صدر علوی نا دا سال خواننگ کن 10 کتاب نا سلاہ
Get real time updates directly on you device, subscribe now.
اسلام آباد : صدر مملکت ڈاکٹر عارف علوی شاری تے برجاسال خواننگ کن 10 عظیم کتاب تجویز کرے۔ ڈاکٹر عارف علوی صدارت نا عہدہ ءِ سنبھالنگ آن پد آن شاری تے ہرسال ہندن ءُ کتاب خواننگ کن سفارش کیک ہرا اودے زہمی کیرہ۔ صدر مملکت اسہ ویڈیو کلہو اسے ٹی قوم آ زور شاغانے کہ او کتاب خواننگ ءِ ودفر و بنی نوع انسان تون مہرومریبت نا کلہو ءِ لس کیر۔ صدر مملکت شاری تے خواننگ کن ہراکتاب آتا رغامانے او10 کتاب آتیٹی ”دی اینڈ آف ہسٹری اینڈ لاسٹ مین“ از فرانسس فوکویاما، ”دی کلیش آف سیویلائزیشنز اینڈ دی میکنگ آف ورلڈ آرڈر“ از سیموئل پی ہنٹنگٹن، ”جرنی ان ٹو یورپ: امیگریشن اینڈ آئیڈنٹٹی“ از اکبر احمد، ”دی اسلامک الائنمنٹ: دی ماڈرن سٹرگل بی ٹوین فیتھ اینڈ ریزن“ از کرسٹوفر ڈی بیلیگ، سموئیل موئن نا نوشتہ کروک آ کتاب ”ہیومن: ہاؤدی یوناٹیڈ سٹیٹس اینڈڈ پیس اینڈ ری انونٹڈ وار“ ارشد سمیع خان نا نوشتہ کروک کتاب ”تھری پریذیڈنٹس اینڈ این ایڈی: پاور اینڈ پالیٹیکس“ ئسک ہم اوار ءُ۔ صدر مملکت ڈاکٹر عارف علوی ہرا ایلو کتاب آتے شاری تے خواننگ کن تجویز کرینے اوفتے ٹی ایڈم گرانٹ نا نوشتہ کروک آ کتاب ”تھنک اگین“ انیل اننت سوامی نا نوشتہ کروک”تھرو دی ٹو ڈورز ایٹ ونس آن بیدس رومی نا ”دی السٹریٹڈ رومی: اے ٹریژری آف وزڈم فرام دی پوائنٹ آف دی سول“ و ”سخنِ افتخار“ از افتخار عارف اوار ءُ۔
(اے پی پی)