ادیب، دانشور و خوانوک آ تپہ راجی بدلی ٹی کمکار مریرہ، اسد بلوچ
کوئٹہ : وزیر کشت وکشار بلوچستان میر اسد اللہ بلوچ گزلز انٹرکالج تسپ و گرلز کالج کہن زنگی نا دورہ ءِ کرے و گرلز کالج آتیکن اسہ کروڑ نا گرانٹ، آڈیٹوریم ہال انا تفنگ و بس آتا فراوانی نا پڑو کرے۔ داوخت آ بی این پی عوامی نا مرکزی لیبر سیکرٹری نور احمد بلوچ، ضلعی آرگنائزر رحمدل بلوچ، ڈپٹی آرگنائزر جلیل احمد سیلانی، مرکزی کمیٹی نا باسک و میونسپل کارپوریشن نا چیئرمین شکیل احمد قمبرانی، مرکزی کمیٹی نا باسک حاجی محمد اکبربلوچ، مسکوہی ضلعی صدرنثار احمد بلوچ، ضلعی زکواۃ چیئرمین واجہ بشیر احمد و ایلوفک ہم اوار ئسر۔ پرنسپلز پروفیسر مشتاق احمد گچکی و پروفیسر عبدالرحیم بلوچ صوبائی وزیر ءِ بریف کریر۔ صوبائی وزیر پارے کہ اونا سوچ و سیاست نا وت بلوچ قوم ءِ ہراتم کہ کنے وار رسینگا ملا تو بلوچ تاریخ ءِ زندہ تخنگ کن تاریخی شخصیت و ہند آتا پن تیا یات گار تفک، قومی ہیروتے است آن دروک آ قومک فنامریرہ۔ اوپارے کہ ادیب و دانشور و خوانوک آ تپہ راجی بدلی نا کمکار آک ءُ، چین نا شونداری وژنری سوچ، پوسکن آ سائنسی و ٹیکنیکل ایجوکیشن نا سوب ءِ، پوسکن آ سائنسی علم، واپار، زبان، ڈغار و تینا دودوربیدگ ءِ زندہ تخسا نن اسہ قوم اس پاننگ نا قابل مننگ کینہ۔
(اے پی پی)