مخلوق سیوریج لائن اٹ کھد کتر بٹپ، عزت نذیر بلوچ
Get real time updates directly on you device, subscribe now.
کوئٹہ : ڈپٹی کمشنر گوادر عزت نزیر بلوچ مخلوق آن خواست کرینے کہ ضلعی انتظامیہ و جی ڈی اے میونسپل ونگ انا عملہ ہڑدے ئی بنداو آ سفائی و مینٹیننس نا کاریم اٹی اختہ مریرہ، ولے 2 ہزار مین ہول آ تالان 23 ءُ نیم کلومیٹر مرغن لائن نا خیالداری ادارہ تون اوار اوار مخلوق نا ہم شاری زمواری مریک۔ او سیوریج لائن اٹی کچرہ شاغنگ آن پاناد کیر و راج دشمن زموار آتے مین ہول انا ڈھکن ءِ پرغنگ و دُزی ءِ توننگ اٹ کڑد اداکیر۔ داخیال آتا درشانی ءِ او ادارہ شونداری گوادر نا چاروکی ٹی ڈٹ آتا دورہ نا وخت آ گپ وتران کرسا کرینے داوخت آ گوادر ایکٹیویسٹ فورم نا چیئرمین ماجد سھرابی و ایلوفک ہم اوڑتون اوار ئسر ڈپٹی کمشنر و گوادر ایکٹیویسٹ فورم نا سنگت آک اواری اٹ ادارہ شونداری گوادر نا چاروکی ٹی برجا شونداری ڈٹ آتا دورہ ءِ کریر برجا ڈٹ آتا جاچ ءِ ہلکر و داوخت آ ادارہ شونداری گوادر نا چیف انجینئر حاجی سید محمد بلوچ ڈپٹی کمشنر ءِ ادارہ شونداری گوادر نا چاروکی ٹی برجا ڈٹ آتا بابت سرجم حوال تس و داتم اسکان نا پیش رفت آن اودے معلومدار کرسا پارے کہ ادارہ شونداری گوادر سیوریج لائن نا مچ آ ڈٹ کنسلٹنٹ نا سپرویڑن اٹی بدلی آن بیدس پورو مسنے۔ اسہ ڈٹ اس ہم کنسلٹنٹ نا گڈیکو منظوری آن بیدس پورو مفک۔
(اے پی پی)