شجرکاری مہم اٹ دفتر، اُرا و ہسپتال آتیٹی نہال خلنگے، عائشہ زہری

کوئٹہ : شجرکاری مہم اٹی سرکاری دفتر اُرا، ہسپتال آتیٹی زیات آن زیات نیال خلنگے مہم نا وخت آ ضلعی ہیڈز آفیسر آتے نیال خلنگ نا ہرا ٹاسک ءِ تننگانے اودے ہر حال اٹ پورو کننگے نیال آتا نشوونما ٹی ڈیوالئی ءِ کننگپ شجرکاری مہم نا بابت منہ گڑاس محکمہ غاتا کنڈآن غیرسنجیدگی نا درشانی ءِ کننگ انگ ءِ ہراکہ سمجھ آن پیشن ءِ شجرکاری مہم ءِ سرسہب کننگ کن وزیراعلیٰ و چیف سیکرٹری بلوچستان نا کنڈآن سخت پرمانک ءُ ہرافتیا ہر حال اٹ عملدرآمد ءِ پک کننگک۔ داخیال آتا درشانی ءِ ڈپٹی کمشنر نصیر آباد عائشہ زہری نا شجرکاری مہم نا بابت آفیسر آتا اڈ ہلوک آ دیوان آن تران کرسا کرے دیوان اٹی چیئرمین میونسپل کمیٹی میر صفدر خان عمرانی ڈاکٹر عبدالمنان لاکٹی ڈاکٹر ایاز حسین جمالی عجب خان مندوخیل، یاسمین، عبدالحمید پلال محمد نعیم لہڑی عتیق اللہ کھوسہ محمد نواز کھوسہ عبیداللہ پندرانی محمد کاظم لونی حاجی خان جونیجو نور احمد عمرانی و قلندر بخش عمرانی تون اوار ایلو ضلعی آفیسر آک و اوفتا نمائندہ غاک ساڑی ئسر۔ دیوان آن تران کرسا ڈپٹی کمشنر نصیر آباد عائشہ زہری پارے کہ ہرا دفتر اسکول کالج آتیٹی نیال خلنگانے اوفتا خیالداری نا زمواری ہم تعلقدار ضلعی آفیسر نا مریک تانکہ او دا نیال آتا سہی وڑاٹ آبیاری ءِ کرفر عائشہ زہری پارے کہ غٹ ضلعی ہیڈ ز آفیسر آک تینا دفترآتیٹی حاضری ءِ پک کیر انتئے کہ ہراتم اسکان ہیڈ آفیسر آک سہی وڑاٹ تینا زمواری تے سرتفسہ ہموتم اسکان الس نا ویل آک ایسر مننگ کپسہ دفترآتا وخت ءُ پاس اسکان آفیسر آتا ساڑی گری بھاز المی ءِ۔ بھاز زوت غٹ سرکاری دفترآتا سرپرائز وزٹ ءِ ہم کننگک غیرحاضر مروک آ ہیڈآفیسر آتا برخلاف محکمانہ کارروائی کننگک۔

(اے پی پی)