سبی شار اٹی پشہ اسپرے مہم نا بناءِ کننگانے، چیئرمین میونسپل کمیٹی سبی سردار محمد خان خجک
Get real time updates directly on you device, subscribe now.
کوئٹہ : چیئرمین میونسپل کمیٹی سبی سردار محمد خان خجک وائس چیئرمین سردارزادہ میر دینار خان ڈومکی و ڈپٹی کمشنر سبی منصور احمد قاضی نا خصوصی پارت ءِ مون آت تخسا سبی شار اٹی پشہ اسپرے مہم نا بناءِ کننگانے چیف آفیسر سبی محب اللہ بلوچ و ڈی ایچ او سبی ڈاکٹر اکبر سولنگی نا کماشی ٹی چندی شاہراہ تیا اسپرے مہم کننگ انگ ءِ داوخت آ گپ وتران کرسا ڈی ایچ او ہیلتھ ڈاکٹر اکبر سولنگی و چیف آفیسر محب اللہ بلوچ پارے کہ داموسم اٹی پشہ غاتا بہتات مریک ہرانا سوب آن مخلوق ءِ چندی ناجوڑی تتون مون تروئی تمک۔ اوپارے کہ مخلوق ءِ چندی ناجوڑی تیان بچفنگ کن ہلہلہ بنداو تیا اسپرے مہم نا بناءِ کننگانے۔ اومخلوق آن ہم خواست کرینے کہ او تینا گلی محلہ و شار ءِ ساف تخر و خاص وڑاٹ گلی محلہ غاتیٹی سلوک آ دیر اٹی مش پین پین شاغسا اوفتے پُر کیر ہندا دیر تیٹی پشہ غاتا افزائش مریک نما کمکاری آن پشہ و ناجوڑی آتا چٹفنگ ممکن ءِ۔
(اے پی پی)