کوئٹہ‘ جمعیت گلی نمبر 1 و2 اٹ روڈ و نالی تا جوڑی نا کاریم بنا مسنے‘ ملک سکندر خان

کوئٹہ : جمعیت علما اسلام نا پارلیمانی و اپوزیشن لیڈر ملک سکندر خان ایڈوکیٹ پارینے کہ بیدس فرق آن اُلس نا خدمت ءِ کننگ جمعیت نا منشور ءِ۔ کچ اٹ انگا وسیلہ غاتیان بیدس گچین کروک آ علاقہ ٹی بھلو کچے اسے ٹی شونداری ڈٹ آک بنا مسنو۔ دا خیال آتا درشانی ءِ او جمعیت گلی ٹی شونداری کاریم نا جاچ انا وخت آ علاقہ نا باتی تتون ہیت وگپ کرسا کرے۔ او وخت آ یونٹ امیر قاری جمعہ خان، حاجی عبدالصمد حقیار، حاجی لونگ خان و ایلوفک ہم ساڑی ئسر۔ ملک سکندر خان ایڈوکیٹ پارینے کہ جمعیت گلی نمبر ون و نمبر اٹ روڈ و نالی تا جوڑی نا کاریم بنا مسنے۔ وخت اس کہ زوت اس ٹیوب ویل نا کاریم ہم بنا مریک۔ ہراڑان علاقہ نا باتی تا ویل آک ایسر مریرہ۔

(آن لائن)