سینیٹ گچین کاری اسہ تُو اس مست کننگ نا فیصلہ

0

Get real time updates directly on you device, subscribe now.

اسلام آباد (آن لائن) الیکشن کمیشن وخت آن مست سینیٹ گچین کاری کرفنگ نا تیاری تے بنا کرینے، مارچ انا جاگہ غا فروری ٹی سینیٹ گچین کاری کرفنگ کن گرین سگنل تننگانے۔ حوال آتا رد اٹ الیکشن کمیشن آف پاکستان ءِ وخت آن مست سینیٹ گچین کاری کرفنگ کن گرین سگنل رسینگانے۔ ایلو کنڈ آ اپوزیشن اسمبلی تیان استیفہ ترسا سینیٹ گچین کاری تا الیکٹورل کالج ءِ پرغنگ نا ارادہ کرینے۔ حوال آتا رداٹ مارچ اٹی اپوزیشن نا 50 غان زیات سینیٹر ریٹائر مریرہ۔ اگہ اپوزیشن ان سینیٹر آک ہندا تُو استیفہ تسر، تو الیکشن کمیشن ءِ سینیٹ اٹی ضمنی گچین کاری کرفوئی تمک، و دا گچین کاری تیان پد سینیٹر جوڑ مروک آ بندغ آک بیرہ منہ دے اکن سینیٹ اٹ تولنگ کینہ، دا غٹ حالیت آتیٹی الیکشن کمیشن سینیٹ گچین کاری تے داسہ مارچ انا جاگہ غٓ فروری ٹی کرفنگ نا تیاری تے بنا کرینے۔ کانودی وڑ اٹ سینٹر آتا ریٹائرمنٹ آن 30 دے مست گچین کاری کرفنگ مننگ کیک، ہندا سوب آن گمان کننگک کہ سینیٹ گچین کاری تے 15 فروری یا اوکان پد کرفنگ مریک۔ سینیٹ گچین کاری تیٹی اپوزیشن سیوت آن گیشتری نشست آتا پلنگ انگ نا گمان ارے۔ اوکان پد تحریک انصاف قومی اسمبلی تون اوار اوار سینیٹ اٹی ہم گیشتری دوئی کیک۔ سینیٹ اٹی گیشتری دوئی کننگ آن پد تحریک انصاف آسانی اٹ و اپوزیشن آن بیدس ہم کانود جوڑ کننگ نا پوزیشن اٹ بریک۔ ہندا سوب آن اپوزیشن حکومت ءِ سینیٹ گچین کاری تیٹی سرسہبی آن مُر تخنگ کن نت دُو خلنگ اٹی ءِ، وخت اس کہ حکومت ہم اپوزیشن نا ڈٹ ڈَول آتے بے سہب کننگ کن حکمت عملی اس جوڑ کرینے۔

Get real time updates directly on you device, subscribe now.

Leave A Reply

Your email address will not be published.