آل راؤنڈر شاداب خان آ بھروسہ کننگ نا گرج ءِ‘عاقب جاوید

0

Get real time updates directly on you device, subscribe now.

اسلام آباد (مانیٹرنگ ڈیسک) پاکستان کرکٹ ٹیم نا مسکوہی وکٹ کیپر گوازی گر عاقب جاوید قومی ٹیم مینجمنٹ ءِ آل راؤنڈر شاداب خان ءِ اُست تننگ نا سلاہ تسنے۔ کرکٹ پاکستان ڈاٹ کام تون ہیت وگپ کرسا او پارینے کہ شاداب خان ءِ انگلینڈ نا برخلاف بنائی ٹیسٹ اٹ وارخواہی تننگانے داسہ اوڑا بھروسہ کننگ نا گرج ءِ۔ او پارینے کہ ای فہیم اشرف ءِ ٹیسٹ کرکٹ کن تیار تکپرہ، انتئے کہ او ہفت گوازی گرتیٹی یا ٹاپ فور باؤلر آتیٹی اوار مننگ نا لائخی تخپک۔ او پارینے کہ انگلینڈ نا باؤلرک پاکستان کوچنگ اسٹاف و اظہر علی تینٹ تینا نزوری ءِ چاہک۔ انگلینڈ نا باؤلرک اظہر علی ءِ وکٹ آ پورو وڑاٹ باؤلنگ کننگ نا کوشست کننگ اٹی ءُ تانکہ وکٹ آن مست اونا ٹانگ اٹ بال لگے، پاکستان کوچنگ کمامدار آتے ٹیسٹ سیریز آن مست ٹریننگ کیمپ اٹ اظہر علی نا دا پہلو آ کاریم کننگ خواہسکہ۔ اظہر علی تینا گوازی ٹی ہم گڑاس بدلی اتنگ کیک۔ او کریز آن پیشن سلنگ کیک یا داڑان زیات آجو گوازی کننگ کیک۔ عاقب جاوید وکٹ کیپر محمد رضوان نا بیٹنگ نا لائخی تیان مطمئن افٹ، رضوان اسہ گچین ءُ وکٹ کیپر اسے ولے ای اونا بیٹنگ آن مطمئن افٹ۔ ٹیلنٹ ءِ پاش مننگ آن اِرا سال آن زیات لگپک۔ کنے اسہ ہندن ءُ گوازی گر اس نشان تننگے ہرا ہفت یا ہشت سال آن پد جوان مریک اگہ کس اسے ٹی ٹیلنٹ ارے تو او ارا سال اٹ خننگ کینہ۔ وخت اس کہ پاکستان ءِ تینا سجفنگ ءِ ایلو وکٹ کیپر تیا خلنگ و پین آپشن پٹنگ نا گرج ءِ۔ عاقب جاوید پارینے کہ آزموندہ کار آ فاسٹ باؤلر سہیل خان ءِ انگلینڈ نا برخلاف ارٹمیکو ٹیسٹ میچ اٹ نسیم شاہ نا جاگہ ٹیم اٹ اوار کننگے، ساؤتھمپٹن اٹ پاکستان ءِ سہیل خان نا گرج مریک۔ او نسیم شاہ نا جاگہ ہلنگ کیک۔ سہیل خان بال ءِ ریورس سوئنگ کننگ کیک دن کہ جیمز اینڈرسن کیک۔

Get real time updates directly on you device, subscribe now.

Leave A Reply

Your email address will not be published.