فٹبال یورپا لیگ‘ کوارٹرز فائنل اٹ انٹر میلان و مانچسٹر یونائیٹڈ سرسہب

برلن (مانیٹرنگ ڈیسک) فٹبال یورپا لیگ نا کوارٹرز فائنل اٹی انٹرمیلان بائر فور ءِ 2-1 اٹ کٹا وخت اس کہ مانچسٹر یونائیٹڈ سخت ءُ مقابلہ سے آن پد کوپن ہیگن ءِ بے سہب کرسا کک آؤٹ کرے۔ میچ نا فیصلہ ودکی ٹائم نا اسٹ انگا گول اٹ مس۔ حوال نا رداٹ لاک ڈاؤن اٹی فٹبال نا پِڑ آباد مسنے۔ یورپا لیگ کوارٹرز فائنل اٹ انٹرمیلان بائر فو لیورکیوسن ءِ بے سہب کرے۔ رومیلو لوکاکو ایونٹ اٹ ریکارڈ نومیکو گول ءِ اسکور کرے۔ مانچسٹر یونائیٹڈ و کوپن ہیگن نا نیام اٹ مروک آ ارٹمیکو میچ سخت ءُ مقابلہ اس مس۔ ہڑتوم آ ٹیم تا کنڈآن سخت جلہو کننگا ولے ٹائم انا پوروی اسکان ہچ ءُ گول اس متو۔ انجری ٹائم اٹ کوپن ہیگن نا ردی یعنی مانچسٹر یونائیٹڈ ءِ ملوک آ پنلٹی گڈیکو گوندنگا۔ ایس او پی تیٹی گوازیک سخت انگا مقابلہ غاتا بنجا مس۔