محمد رضوان نا ستا ءِ کننگ آ سکندربخت غصہ ٹی بس و جنگ لگا

لاہور (مانیٹرنگ ڈیسک) کرکٹ اینالسٹ عالیہ رشید نا کنڈآن محمد رضوان نا ستا کننگ آ مسکوہی ٹیسٹ کرکٹر سکندر بخت غصہ ٹی بس و عالیہ رشید تون لگا۔ نجی ٹی وی چینل نا شو اٹ 62 سال نا سکندربخت سرفرازاحمد ءِ نہ شاغنگ و اودے 12میکو گوازی گر نا وڑ اٹ راہی کننگ آ غصہ کرے تو کرکٹ اینالسٹ سکندر بخت تون ہیت کرسا پارے کہ نی محمد رضوان نا ستا ءِ کننگ نا جاگہ غا سرفرازاحمد پروگرام کرسا کیرہ ہراڑا سکندر بخت پارینے کہ رضوان انت پرفارمنس تسنے؟ ہراڑا عالیہ رشید پارینے کہ محمد رضوان وکٹ کیپنگ بھاز جوان کرینے۔ دنیا نا بھلا بھلا کمنٹیٹر آک اونا ستا ءِ کننگ اٹی ءُ، ہراڑا سکندربخت پارینے کہ ستاک تو بابراعظم نا ہم مننگ اٹی ءُ، ناصر حسین ہم ستا کننگ اٹی ءِ، ای ہمو وخت آ پاریسُٹ کہ بابراعظم اولیکو رنز کے ولدا ہیت کے۔ او50، 100 رنز کننگ تو کپک، ای بابراعظم نا ہمو وخت آ ستا ءِ کیوہ ہراتم او 50 آن 100 و 100 آن 150 کیک۔ عالیہ رشید پارینے کہ نی ہڑدے سرفرازاحمد آ ہیت کیسہ، سرفراز قومی ٹیم نا کیپٹن ہم مسنے، او تینا وخت ءِ انجوائے کرینے ولے رضوان ہرا جوان پرفارمنس تننگ اٹی ءِ اودے کس اس ہم ہائی لائٹ کتنے۔ عالیہ رشید پارینے کہ اگہ نمے پلیٹ فارم رسینگانے تو نم ایمانداری ٹی ہیت کبو ہراڑا سکندربخت غصہ ٹی بس او پارے کہ انت ای مگہ بے ایمانی کننگ اٹی اُٹ؟ نی تینا لوز آتے پدی ۔