مذہب وقوم پرست آک الس ئِ نااومیتی آن بیدس پین ہچ تتنو‘ نور محمد دمڑ
Get real time updates directly on you device, subscribe now.
ہرنائی(آن لائن) صوبائی وزیر پی ایچ ای واسا حاجی نور محمد دمڑ پارینے کہ حلقہ داسہ شونداری ناکسر آ روان مسنے‘ مذہب پرست وقوم پرست آک الس ئِ نااومیتی آن بیدس پین ہچ تتنو‘ بدلی نا تہو چکنگ ئِ‘ داسہ ملک وصوبہ شونداری ناکسر آروان ئِ‘ وخت اس کہ پن انا سیاسی راگیک فریشان ئُ‘ وزیراعلیٰ پنجاب عثمان بزدار ننا سلہ خلنگ آ14 جولائی آ اِرا دے انا دورہ غان زیارت آ بریک اودے جم وجوش اٹ بخیر کینہ‘ وزیراعلیٰ پنجاب ئِ زیارت آ بننگ نا وخت آ بخیر کننگ کن تیاری تا بنائِ کننگ کن کمیٹی ٹہیفنگانے اومیت ئِ کہ وزیراعلیٰ پنجاب زیارت نا دورہ ئِ کننگ ناوخت آ حکومت پنجاب نا کنڈآن میگاپروجیکٹ نا پڑو ہم کیک۔ دا خیال آتا درشانی ئِ او گچین کاری حلقہ نا دورہ نا وخت آ السی مچی‘ برجا شونداری ڈٹ‘ پارٹی کارندہ و علاقہ نا متبر آتون اوڑدہی ناوخت آ تران و ہیت وگپ کرسا کرے۔ دا وخت آ بلوچستان عوامی پارٹی نا سینئر راہشون حاجی خان محمد دمڑ‘ حاجی باز محمد دمڑ‘ حاجی راز محمد دومڑ، عبدالناصر ترین ایڈوکیٹ و زیارت و ہرنائی نا ضلعی عہدیدار آک ہم ساڑی ئسر۔ صوبائی وزیر حاجی نورمحمد خان دمڑ پارے کہ داکان مست مذہب و قوم پرست آک الس ئِ نااومیتی آن بیدس پین ہچ تتوس‘ حلقہ ناالس اسہ اومیت اسے آ کنے وونٹ تسنے‘ الس کنے آ اومیت کرینے‘ مستین داکان گچین مروک نمائندہ غاک رزاکا علاقہ ئِ پسماندہ تخار ولے داسہ الس پامدار مسنے بلوچستان عوامی پارٹی ٹی الس نا بھلو کچ اسے ٹی اوار مننگ دانا شاہدی ئِ کہ حلقہ ٹی شونداری کاریم تا بنا مسنے۔