صدر مملکت نا سنگت ملک آتے امب انا ٹھیکی تننگ نا فیصلہ

اسلام آباد ( آن لا ئن)صدر مملکت ڈاکٹر عارف علوی کاٹریڈڈپلومیسی و پاکستانی امب انا شوکیسنگ کن جوان ئُ گام گیج ہرفوک آ سنگت ملک آتے امب انا ٹھیک راہی کننگ نا فیصلہ کرینے۔ حوال نا رداٹ عارف علوی نا کنڈآن ٹھیکی نا بابت ایوی ایشن ڈویژن ڈی جی سول ایوی ایشن ئِ چٹھی اس لکھا ہراٹی 17 ملک آتا کماش آتے پاکستانی امب انا ٹھیک راہی کننگ نا پارت کرینے، امب آتا ٹھیکی کویت، سعودی عرب، ترکی، قطر، اومان، ملائیشیا، موروکو، نیپال، سنگاپور، اسپین، برطانیہ، اٹلی تون اوار ایلو سنگت ملک آتیا راہی کننگک۔ ایوی ایشن آن ترک، قطر و ایمریٹس ائیرلائن نا جولائی و اگست نا شیڈول ئِ بٹنگ انگانے۔ جولائی و اگست نا تو انا قومی ائیرلائن نا ہمو ملک آتے شیڈول بٹنگانے۔ 17 ملک آتا صدر آتے 4 ہزار 810کلو امب سر کننگک۔