ڈی ایچ او ڈاکٹر نصراللہ لانگو نا تعیناتی ستا کڑزک‘سردارنادرخان لانگو
Get real time updates directly on you device, subscribe now.
قلات (فیض نیچاری) پاکستان تحریک انصاف نا صوبائی راہشون سردار نادر خان لانگو، ٹکری دلمراد لانگو، ٹکری شاہ خالد مینگل‘ ضلعی صدر میر قیوم لانگو وایلوفک میڈیا نا نمائندہ غاتتون ہیت وگپ کرسا پارینو کہ پوسکن تعینات مروک ڈی ایچ او ڈاکٹر نصراللہ لانگو نا تعیناتی ستا کڑزک۔ او پاریر کہ ڈاکٹر نصراللہ لانگو مخلص ایماندار و فرض شناس ئُ افسر اسے‘ او پاریر کہ اونا تعیناتی آن الس خوش مسنے اونا تعیناتی آن قلات نا غریب الس ئِ درمان و جانجوڑی ناجوان آسراتی رسینگ نا گمان ارے‘ نن اومیت کینہ کہ پوسکن تعینات مروک ڈی ایچ او قلات اٹ ہیلتھ اناویل آتے ایسر کننگ کن استخواہی نشان ترسا گام گیج کیک اوپاریر کہ تحریک انصاف دا بابت ہر وڑ انا کمک کیک۔