قلات اٹ موبائل انٹر نیٹ ئِ زوت بحال کننگے‘الس ناخواست

قلات (فیض نیچاری سے) قلات اٹ موبائل انٹرنیٹ مسہ نیم سال آن پورو بند ئِ۔ پی ٹی سی ایل ڈی ایس ایل سسٹم ہم ہیبدار ئِ‘ صارف آتے مشکل آک مون تروک ئُ‘ حوال نا رد اٹ قلات شار اٹ موبائل انٹرنیٹ و پی ٹی سی ایل EVO مسہ نیم سال آن بند ئِ‘ وخت اس کہ پی ٹی سی ایس ایل نا ہیبدار کارکڑد آن صارف آتے مشکل آک مون تروک ئُ‘ قلات شار آن بیدس خلقی علاقہ غاتے ٹی تو موبائل انٹرنیٹ سسٹم بند وخت اس کہ پی ٹی سی ایل تو بیخ آن اف۔ قلات شار اٹ پی ٹی سی ایل نا ڈی ایس ایل سسٹم تو ارے ولے منہ دے آن بھاز سست ئِ و ہیبدار کارکڑد نا سوب آن صارف آتے مشکل آک مون تروک ئُ۔ السی تپّہ غاک پارینو کہ آن لائن کلاس تا بنا مننگے تو الِے کہ شاری علاقہ نا کچ اسکان ساڑی ڈی ایس ایل نا حالیت ہم بھاز خراب ئِ۔ صارف آک پی ٹی اے‘ پی ٹی سی ایل نا بڑزکو کمامدار آتیان قلات اٹ ڈی ایس ایل سسٹم نا سستی نا نوٹس ئِ ہلنگ و موبائل انٹر نیٹ ئِ زوت بحال کننگ ناخواست کرینو۔