قومی اسمبلی نا بجٹ دیوان 24 جون اسکان برجاسلک،شیڈول منظور
17 جون اسکان لس شرہ برجا سلک، کٹوتی نا تحریک آتیا شرہ 21و22 جون آ مریک، فنانس بل آ 23 جون آ سجفنگک
Get real time updates directly on you device, subscribe now.
اسلام آباد: قومی اسمبلی نا ہاؤس بزنس ایڈوائزری کمیٹی بجٹ دیوان نا شیڈول نا منظوری ءِ تسنے ہرانا رداٹ دیوان 24 جون اسکان برجاتخنگک۔ سے شنبے نادے آ اسپیکر قومی اسمبلی راجہ پرویز اشرف نا کماشی ٹی ہاؤس بزنس ایڈوائزری کمیٹی نا دیوان اڈ ہلک۔ دیوان اٹی برجابجٹ دیوان ءِ ہفتہ نادے 24 جون 2023اسکان برجاتخنگ آ امنا کننگا۔ دیوان اٹی بجٹ دیوان نا ایجنڈا و دورانیہ غا گپ وتران کننگا، کمیٹی دیوان اٹی بجٹ 2023-24آ 17 جون اسکان لس شرہ ءِ برجاتخنگ آ امنا کرے۔ اوکان پد سینیٹ آف پاکستان نا کنڈآن تروک آ سلاہ و سوج آتیا سجفنگک و 19 جون 2023 آ وزیرخزانہ بجٹ 2023-24آ شرہ ءِ چٹفک۔ غیر تصویبی خڑچ (چارج ایکسپنڈیچر) آ شرہ 20 جون آ مریک وخت اس کہ کٹوتی نا تحریک آتیا شرہ 21و22 جون آ مریک۔ فنانس بل 2023آ سجفنگ و منظوری 23 جون اکن سلاہ کننگانے، وخت اس کہ 24 جون آ 2021,2022و 2023کن گرانٹ آتا ضمنی خواست زر آ شرہ کننگک۔ کمیٹی دیوان اٹی فیصلہ کننگاکہ بجٹ دیوان ءِ ہفتہ نادے 17 جون آ 24 آ ہم برجاتخنگک۔ دیوان اٹی بنجائی وزیر رانا تنویر حسین، مرتضیٰ جاوید عباسی، شازیہ مری و قومی اسمبلی نا باسک خالد حسین مگسی، حامد حمید، ڈاکٹر رمیش کمار وانکوانی، صابر حسین قائم خانی، مولانا عبد ال اکبر چترالی، چوہدری برجیس طاہر، قومی اسمبلی نا سیکرٹری طاہرحسین و ایڈیشنل سیکرٹری کانود سازی محمد مشتاق ئسک بشخ ہلکر۔
(اے پی پی)