ایچ ڈی پی تینا گچین کاری حلقہ غاتا باتی تا کمک ءِ کننگ اٹی ءِ، عبدالخالق ہزارہ
مچ آدنیا سخت انگا زرگزرانی تنکی آن گدرینگ انگ ءِ‘ ننے تینا نزور تپہ نا کمکار مروئی ءِ، گوازی سلاہکار نا دود اسے آن تران
Get real time updates directly on you device, subscribe now.
کوئٹہ: ہزارہ ڈیمو کریٹک پارٹی نا چیئرمین گوازی تا صوبائی سلاہکار عبدالخالق ہزارہ پارینے کہ مچ آدنیا سخت انگا زرگزرانی تنکی آن گدرینگ انگ ءِ‘ کورونا نا دَین غریبی و بے روزگاری ءِ ودفسا ہرا وڑ ودکی کرسا مست آن غریب آتا ویل آتے پین ودفینے ہرانا سوب آن زرگزرانی ناہمواری ہم ودنگ اٹی ءِ‘ داحالیت آتے ٹی ازگار بندغ آتا زمواری مریک کہ و غریبی و بے روزگاری نا خلنگوک الس نا کمک ءِ کرسا انسانی ودینی زمواری ءِ پورو کیر۔ دا خیال آتا درشانی ءِ او راجی تنظیم نیمسو آرگنائزیشن نا رد اٹ 500 غریب خاہوت ءِ راشن سر کننگ نا دود آن تران کرسا کرے۔ دا وخت آ نیمسو آرگنائزیشن نا صدر عبدالعلی ہزارہ، محمد زمان دھقانزادہ وایلوفک ہم تینا خیال آتا درشانی ءِ کریر۔ اوپاریر کہ ہرا بندغ آک راج اٹ بریبری ءِ برجا تخنگ و غریب آتا کمک ءِ کننگ کن تینا زمواری تے پورو کرینو او بھاز احساس والا انسان دوست بندغ ءُ‘ ہندا وڑ انا بندغ آتا سوب آن ادارہ غاک زندہ سلرہ۔ عبدالخالق ہزارہ پارے کہ ایچ ڈی پی تدوک آ 10دے آن تینا کمک تینٹ تینا گچین کاری حلقہ نا جتا جتا گلی‘ محلہ غاتا غریب آتا کمک ءِ کننگ اٹی ءِ ہراٹی پارٹی نا ہمتی کارندہ غاتوتن اوار ننا زالبول ودنگ ہم فعال کڑد ادا کننگ اٹی ءِ۔
(آن لائن)