کورونا دَین‘بلوچستان اٹ عیسائی برادری ایسٹر نا تہوار ءِ سادگی اٹ اڈ تس

0

Get real time updates directly on you device, subscribe now.

کوئٹہ (آن لائن) کورونا وائرس ناسوب آن مچ آ بلوچستان اٹ عیسائی برادری ایسٹر نا تہوار ءِ سادگی اٹ اڈ تس‘ کورونا دَین ناسوب آن عیسائی برادری ایسٹر نا غٹ مذہبی دود آتے منسوخ کرینے و تہوار ءِ سادگی اٹ اُراتے ٹی اڈتس‘ انتظامیہ پارینے کہ عیسائی برادری ءِ ایسٹر نا دعائیہ دود آتے ٹی آن لائن بشخ ہلنگ ناپارت کننگانے‘ دفعہ 144 نا سوب آن اسہ چرچ اسے ٹی ہم ہننگ نا موکل اف‘ ایلو کنڈآ کوئٹہ ٹی لاک ڈاﺅن نا سوب آن گرجا گھر آتے ٹی بھاز چنکو کچ اسے ٹی عادت نا بست وبند کننگا‘ بیرہ پادری و اسہ کمکار اس عبادت و دعا کن چرچ اٹ ساڑی ئس۔ وزیراعلیٰ بلوچستان جام کمال ہم عیسائی برادری ءِ ایسٹر نا مبارکبادی ترسانیک انگا استخواہی تا درشانی کرینے‘ اوپارے کہ عیسائی برادری اُراتے ٹی مرے وخوشی کے‘ تینے و تینا خاہوت ءِ کورونا غان بچفے۔

Get real time updates directly on you device, subscribe now.

Leave A Reply

Your email address will not be published.