کوئٹہ‘پولیس نا لاک ڈاﺅن اٹ شاہراہ تیا شکبر گاڈی تا برخلاف کارروائی
Get real time updates directly on you device, subscribe now.
کوئٹہ (آن لائن) پولیس ایس ایس پی آپریشن طارق الٰہی مستوئی نا کماشی ٹی پولیس نا لاک ڈاﺅن اٹ صوبائی دارالحکومت نا چندی شاہراہ تیا شکبر گاڈی تا برخلاف کارروائی کننگا‘ بے کاغد‘ مون انگا شیشہ و بے نمبر پلیٹ سَد آ گاڈی تے ڈنڈ کننگا‘ اسہ دے اٹ جتا جتا ہند آتیا 258گاڈی تا مون انگا شیشہ غاتے کشنگا’147 بے نمبر پلیٹ گاڈی تا برخلاف کارروائی کننگا‘ چار شکبر گاڈی ءِ بند کننگا‘ لاک ڈاﺅن اٹ کانود نا خلاف ورزی کننگ آ 309 گاڈی و 295 موٹر سائیکل ءِ چالان کننگا‘ کیپٹل سٹی پولیس کوئٹہ نا ہر چار آ ڈویژن اٹ اسہ دے ئی سنیپ چیکنگ و ریڈ بلاک نا وخت آ 485 گاڈی و 610 موٹر سائیکل ءِ چیک کننگا۔ ایس ایس پی آپریشن طارق الٰہی مستوئی ایس ایچ او تے پارت کرسا پارے کہ لاک ڈاﺅن نا خصوصی حالیت آتیان پد ہم عمومی ڈیوٹی تے ٹی ڈیوالئی کننگپ‘ ڈوہی بندغ و کانود نا خلاف کاریم کروک بندغ آتا برخلاف کارروائی کننگے‘ اسہ بندغ اس ہم کانود آن بھلن اف‘ کانود نا نفاذ کن الس پولیس تون کمک کے۔