کورونا دَین اتون مون تننگ کن ننے کل ءِ اسیجا مروئی مریک‘فرحان خان کاکڑ
Get real time updates directly on you device, subscribe now.
ہرنائی (آن لائن) کورونا دَین آن بچنگ‘ رکھی گام گیج و السی شعور وآگاہی نا رد ات پی پی ایچ آئی ناکنڈآن یوتھ والینٹئرزنا ورناتے ٹی سیشن اڈ تننگا‘ دا وخت آ تحصیلدارعبدالرازق، ڈی ایس ایم فرحان خان کاکڑ ،ڈاکٹر مسعود خان ترین‘ پیرامیڈیکل اسٹاف فیڈریشن نا ضلعی صدرحاجی عبدالودود ترین، غلام فاروق ترین، افتخار احمد تون اوار ورناتا بھلو کچ اس ساڑی ئس۔ داوخت آ ڈسٹرکٹ سپورٹ منیجر فرحان خان کاکڑ وڈاکٹر مسعودخان ترین اسک پاریر کہ مصیبت نا دا ساہت اٹ الس اٹ کورونا غان بچنگ کن شعوروآگاہی تالان کننگ ناگرج ءِ‘ کورونا دَین اتون مون تننگ کن ننے کل ءِ اسیجا مروئی مریک۔ ننے رکھی گام گیج آتے تینائی کرسا تینا و ایلوفتا زند انا رکھ ءِ کروئی ءِ‘ ننے کل انا خیال ءِ کروئی ءِ و دا ناجوڑی ءِ تالان مننگ آن توروئی ءِ۔