بلوچستان اٹ ورناک ترندی اٹ منشیات ناکنڈآن ہننگ اٹیءُ‘کامریڈ یونس زہری

کوئٹہ (آن لائن) بلوچستان سوشل فورم (رجسٹرڈ) نا بنجائی چیئرمین کامریڈ یونس زہری پارینے کہ بلوچستان اٹ ورناک ترندی اٹ منشیات ناکنڈآن ہننگ اٹی ءُ‘ او پارے کہ بلوچستان اٹ ورناتے ٹی منشیات ترندی اٹ تالان مننگ اٹی ءِ‘ ہرانا سوب آن 15 آن 25 وہی نا پوسکن آورناک داڑان بھاز زہمی مننگ اٹی ءُ۔ او حکومت آن خواست کرے کہ منشیات نا بندغ آتیا لٹکاری آن چٹنگ مفک اوفتا بابت عملی گام گیج کننگے‘ داوخت آ بلوچستان اٹ 2 لکھ 80 ہزار بندغ نشہ کیرہ‘ بلوچستان نا دارالحکومت اٹ نشہ کروک آتا کچ اٹ گڑتی نادنگ اسکان ودکی مسنے‘ وخت اس کہ اصل کچ داکان اسُل بھاز ءِ۔ نشہ غاتے ٹی شراب، ہیرون، چرس، افیم، بھنگ، کیمیائی منشیات دُنکہ صمد بانڈ، شیشہ، نشہ کروک ٹیکہ و آرام تروک داروک اریر ہرافتا کاریم اٹ اتنگ بھاز ودنگ اٹی ءِ۔