دکی‘کباڑی بازار نا سیل کروک دکان تے دوارہ ملنگ نا فیصلہ
Get real time updates directly on you device, subscribe now.
دکی (آن لائن) اسسٹنٹ کمشنر دکی سید اسد شاہ ڈپٹی کمشنر دکی قربان علی مگسی نا پارت آ مرکزی انجمن تاجران نا ضلعی صدر ملک شاہ محمد ناصر، خیر محمدلونی تون دکان تا بابت اوڑدہی کرے‘ اوڑدہی ٹی انجمن تاجران نا ایلو عہدیدار آک ہم ساڑی ئسر، اسسٹنٹ کمشنر دکی سید اسد شاہ ہیت وگپ کرسا پارے کہ اے سی روڈ آ ساڑی کباری بازار نا سیل کروک دکان تے دوارہ ملنگ نا فیصلہ کننگا‘ کباڑی بازار نا دکانک اسہ اِرا دے اٹ اسہ کنڈ انا مسہ دکان ملنگک‘ ایلو دے آن ایلو کنڈانا اِرا مسہ دکان ملنگک‘ کورونا نا سوب آن دکان تے ٹی زیات رش کننگ منع ءِ‘ خلاف ورزی کروک آتا برخلاف کارروائی کننگک‘ دکان اٹ اِرا مسہ بندغ آن زیات منع ءِ‘ مرکزی انجمن تاجران نا ضلعی صدر ملک شاہ محمد پارے کہ نن ڈی سی و اے سی نا منت وار ہرا نن تون کمک کرسا غریب الس نا دکان تے ملنگ نا موکل تسر۔