کارندہ غاک مردم شماری ٹی زیات آن زیات بشخ ہلیر،میر اسداللہ بلوچ
Get real time updates directly on you device, subscribe now.
کوئٹہ: صوبائی وزیر کشت وکشار و بی این پی عوامی نا راہشون واجہ میر اسداللہ بلوچ پارینے کہ کارندہ غاک مردم شماری ٹی زیات آن زیات بشخ ہلیر و عملہ نا پبی راہشونی ءِ پک کیر تانکہ اسہ بندغ اس ہم داڑان سلپ۔ داخیال آتا درشانی ءِ او بسیمہ ٹی کارندہ غاتیان تران کرسا کرے۔ اوپارے کہ پارٹی نا قومی کونسل سیشن 22/21مارچ انا پبی تیاری برجاءِ غٹ زموار آک تینا زمواری تے پبی وڑاٹ پورو کیر۔ داکان مست بسیمہ غا سرمننگ آ لڈی نا ہند آ واشک نا ضلعی آرگنائزر عزیز الرحمان پارٹی کارندہ و محکمہ کشت وکشار نا آفیسر آک صوبائی وزیر ءِ بخیر کریر وخت اس کہ کشت وکشار آفیسر واشک محمد یحییٰ محکمہ نا بابت حوال تس۔ داوخت آ بی این پی عوامی پنجگور نا شکیل بلوچ، زمان بلوچ، عتیق بلوچ، ایڈووکیٹ حسن بلوچ، حکیم بلوچ و ایلوفک ہم صوبائی وزیر تون اوار ساڑی ئسر۔
(اے پی پی)