رافیل نیڈال نا یو ایس اوپن 2020 اٹ بشخ ہلپننگ نا فیصلہ
Get real time updates directly on you device, subscribe now.
نیویارک (مانیٹرنگ ڈیسک) سپینش ٹینس سٹار رافیل نیڈال کورونا وائرس نا سوب آن اینخو اگست اٹ اڈ ہلوک آ ایونٹ یو ایس اوپن 2020 اٹ بشخ ہلپننگ نا فیصلہ کرینے۔ یو ایس اوپن 2020 ہندا تو 31 اگست آ نیویارک اٹ اڈ ہلنگ اٹی ءِ۔ رافیل نیڈال نا رداٹ کورونا وائرس نا سوب آن مچ آ دنیا ٹی حالیت آک خراب ءُ۔ اوفک اسہ بیان اسے ٹی پارینو کہ دا اسہ ہندن ءُ فیصلہ اسے ہرادے ای اسل کننگ خواتوٹہ ولے ای خواوہ کہ تینا اُست انا توار ءِ بنو، ہندا سوب آن یو ایس اوپن اٹ بشخ ہلنگ کتوٹ۔ ایلو کنڈ آ گوڈ انا انجری ٹی اختہ انگا راجر فیدرر ہم ٹینس نا دا جہانی مقابلہ ٹی دا وار بشخ ہلنگ کپک۔ آسٹریلین گوازی گر ایشلے بارٹی ہم تدوک آ ہفتہ ٹی پڑو کرسا یو ایس اوپن اٹ بشخ ہلنگ آن معذرت کریسُس۔