پنی آ برطانوی باکسر عامر خان و عثمان وزیر نا پاکستان کن اولیکو انٹرنیشنل باکسنگ شو کرفنگ نا پڑو

اسلام آباد (مانیٹرنگ ڈیسک) جہانی پنی آ برطانوی باکسر عامر خان  و عثمان وزیر پاکستان نا اولیکو انٹرنیشنل باکسنگ شو نا پڑو ءِ کریر، باکسنگ لیگ اسلام آباد اٹ 3 اکتوبر آ پُوسکن آ شیڈول نا رداٹ مریک۔ تدوک آ دے پاکستان اسپورٹس کمپلیکس اسلام آباد اٹ پریس کانفرنس آن تران کرسا جہانی پنی آ برطانوی باکسر عامر خان 3 اکتوبر آ پاکستان نا اولیکو انٹرنیشنل باکسنگ شو اسلام آباد اٹ کرفنگ نا پڑو ءِ کرینے۔ او پارینے کہ باکسنگ شو نا بھلا مقابلہ ڈبلیو بی سی ٹائٹل فائٹ مریک ہراٹی پاکستان نا مون آ بروک آ باکسنگ چمپئن ایشین بوائے عثمان وزیر نا مقابلہ پنی آ انٹرنیشنل باکسر تون مریک۔ عامرخان آصف ہزارہ ءِ پروفیشنل باکسنگ اٹ بخیر کرسا اونا جوان ءُ آخبت اسے کن دعا کرے۔ او پارینے کہ نیشنل باکسنگ ٹیم نا کیپٹن آصف ہزارہ ہم پروفیشنل باکسنگ جوائن کریر، پریس کانفرنس آن تران کرسا باکسر عثمان وزیر پارینے کہ کورونا وائرس نا سوب آن باکسنگ میلہ کینسل مس ولے خوشی ءِ کہ داسہ دا میلہ اڈ ہلیک۔ باکسر عثمان وزیر پارینے کہ ای تینا فائٹ کن تیار اُٹ، ای جوان ٹریننگ کرینٹ، مقابلہ کن تیار اُٹ۔ او پارینے کہ ٹائٹل ءِ کٹسا پاکستان نا پن ءِ روشن کیوہ۔ او پارینے کہ پاکستان اٹ اولیکو انٹرنیشنل باکسگ ایونٹ 3 اکتوبر آ مریک، انٹرنیشنل باکسر تتون مقابلہ کن بالکل تیار اُٹ۔ عثمان وزیر پارینے کہ لاک ڈاون اٹی جوان ٹریننگ کرینٹ، انڑنیشنل باکسر تتون مقابلہ کن بالکل تیار اُٹ۔ یات سلے کہ مالو دا ایونٹ ءِ 23مارچ آ اڈ ہلوئی ئس ولے کورونا وائرس نا سوب آن دادے کینسل کننگاسُس۔