تینا ہوم میچ آتے داسہ پاکستان آن پیشن گوازی کپنہ‘احسان مانی

لاہور (مانیٹرنگ ڈیسک) چیئرمین پاکستان کرکٹ بورڈ احسانی مانی پارینے کہ تینا ہوم میچ آتے یاتو  پاکستان اٹ گوازی کینہ یا اسُل کپنہ تا۔ برطانوی میڈیا ءِ تروک آ انٹرویو ٹی احسان مانی پارینے کہ 2022ء ٹی انگلینڈ نا دورہ پاکستان کپننگ نا ہچ ءُ جواز اس لگپک، پاکستان داسہ اسہ رکھوک ءُ ملک اسے و دا جاگہ نا دورہ ءِ کروک آ ٹیم تے مملکت نا کماش نا کچ اٹ سکیورٹی تننگک۔ احسان مانی پارینے کہ ننا ہوم سیریز داسہ اسل نیوٹرل ہند اسے آ مفک، تینا ہوم میچ آتے پاکستان اٹ گوازی کینہ یا اسُل کپنہ تا۔ ایم سی سی نا ٹیم داڑے گالف گوازی کرے تاریخی ہند و ریسٹورنٹس آتیا ہم ہنان۔ او پارینے کہ ہراتم 2 سال آن پد انگلینڈ کرکٹ ٹیم بریک تو حالیت آک پین جوان مریرہ۔ یات سلے کہ انگلینڈ کرکٹ ٹیم نا ہیڈکوچ نا کنڈآن پاکستانی کرکٹ نا شیدائی تے بھلو خوشخبری اس بنفک۔ او پارینے کہ دورہ پاکستان کن تیار اُن و منہ وخت اٹ انگلینڈ ٹیم دورہ کننگ کن تیار ءِ۔ او پارینے کہ ای ہچ ءُ وخت اس پاکستان آ ہنتونٹ۔ او پارینے کہ ننے  پاکستان نا سفر کننگ اٹ ہچ ءُ ویل اس اف، جوان ءِ نن او جاگہ نا پچ آتیا ہم تینے آزمائفن۔ ہیڈکوچ پارینے کہ ننے اوڑے ہنوئی تمک او کنا جند ءِ اوڑے ہننگ اٹ ہچ ءُ ویل اس دوئی اف، ای اسُل پاکستان آ پاکستان آ انتونٹ، ننے اوڑے ہنوئی تمک و ہروئی تمک کہ ننا ٹیم او جاگہ نا پچ آتیا ہم گوازی کیک۔ ایلو کنڈآ پاکستان کرکٹ بورڈ (پی سی بی) نا چیف ایگزیکٹو آفیسر وسیم خان اسہ وار ولدا انگلینڈ تون اومیت آتے گنڈسا پارینے کہ 2022ء نا شیڈول ٹور آن مست انگلش ٹی ٹونٹی ٹیم ہم پاکستان آ بریک ایہن تو انگلش کرکٹ بورڈ (ای سی بی) گچین آ لوز آتے ٹی دا ہیت ءِ پک کرینے کہ دا بابت ہچ ءُ ہیت و گپ اس مننگ اٹی اف۔ وسیم خان اسہ کرکٹ ویب سائٹ اسے تون ہیت وگپ اٹ پک کرے کہ ای سی بی کمامدار آک تینا ٹی ٹونٹی ٹیم ءِ پاکستان آ راہی کیرہ۔