کورونا کیس آتیٹی کمتی‘پاکستان اسپورٹس بورڈ کراچی سینٹر اٹ سفائی بنا

کراچی (مانیٹرنگ ڈیسک) کورونا وائرس نا کیس آتیٹی کمتی آ حکومت نا کنڈآن گوازی تا سرگرمی تا بحال کننگ نا موکل آن پد پاکستان اسپورٹس بورڈ کراچی سینٹر اٹ سفائی نا کاریم بنا مس، ہندا ہفتہ ٹی سینئر گوازی گر تے کن یلہ کننگک۔ لاک ڈاون ایسر مس تو گوازی تا سرگرمیک ہم بحال مسر، پاکستان اسپورٹس بورڈ کراچی سینٹر اٹ جمنازیم نا سفائی نا کاریم بنا مسنے۔ وخت اس کہ گراس کٹنگ کن مالیک و ٹریکٹر آک ہم ان ایکشن ءُ۔ ڈائریکٹر رفیق پیرذادہ پارینے کہ گوازی گرتے ایس او پیز آتیا عمل درآمد کرفنگ کن کمیٹی جوڑ کننگ انگ ءِ۔ نیشنل کوچنگ سنٹر اٹ جسمانی ٹکراوُ والا گوازی آن پد گوازی گرک بیرہ اسٹ اسٹ آ ٹریننگ کننگ کیرہ۔