گورنر بلوچستان تون مسیحی برادری نا اوڑدہی

کوئٹہ : گورنر بلوچستان ملک عبدالولی خان کاکڑ پارینے کہ بلوچستان خاص وڑ اٹ صوبائی دارالحکومت کوئٹہ نا گلزمین اقلیتی برادری تا دراخ جوڑی وتعلیم نا بشخ آتے ٹی کروک بھلا خذمت آتیان آباد ءِ۔ مسیحی برادری آن تعلقدار بندغ آک بھاز پرامن و مہر کروک ءُ‘ہندا سوب آن صوبہ نا کہول آ اوفتا سیاسی کماشی ناگرج ءِ‘ ہرا مچ آصوبہ نا ک باتی تا رنگ، برادری و مذہب آن ایڑتر نمائندگی ءِ کیر۔ دا خیال آتا درشانی ءِ او پنچ شنبے نا دے گورنر ہاؤس کوئٹہ ٹی صوبائی اسمبلی نا باسک خلیل جارج ناکماشی ٹی مسیحی برادری نا ڈل اتون اوڑدہی نا وخت آ ہیت وگپ کرسا کرے۔ داوخت آ گورنر بلوچستان پارے کہ الس ءِ بشخ وبانٹ کننگ آن خار و مُریک ودی مریرہ و ایہن ہم الس ءِ بشخ وبانٹ کننگ نا ہر وڑ آن مچ آ راج ءِ نسخان مریک۔ گورنر بلوچستان پارے کہ دنیانر ہر سیاسی نظریہ ننے اجتماعیت نا بسخ ایتک‘ ہندا سوب آن کل انا اواری اٹ کروک ہر کوشست ستا کڑزک۔

(خ ن)