نصیر آباد، پٹواری نا سند دوئی کروک اومیتدار آتے تعیناتی آرڈر جاری
Get real time updates directly on you device, subscribe now.
نصیرآباد، نصیرآباد ڈویژن اٹی نوَد نا دہائی ٹی پٹواری نا سند دوئی کروک اومیتدار آتے ساڑی حکومت نا میرٹ پالیسی نا رِد اٹ تعیناتی نا آرڈر جاری کننگا۔ کمشنر نصیرآباد ڈویژن صلاح الدین نورزئی 1995ء اٹی پٹواری نا سند دوئی کروک اومیتدار گل محمد مستوئی ءِ پٹواری نا عہدہ غا تعیناتی نا آرڈر تس۔ گل محمد مستوئی بھلو وخت اسے آن تعیناتی کن ہُروک ئس و دا وخت آ دیہاڑی کرسا تینا خاہوت ءِ ولفیکہ۔ کمشنر نصیرآباد ڈویژن صلاح الدین نورزئی وزیراعلیٰ بلوچستان میر سرفراز بگٹی، چیف سیکرٹری بلوچستان شکیل قادر خان و ایس ایم بی آر قمبر دشتی نا میرٹ آ تالان پالیسی نا رِد اٹ گل محمد مستوئی ءِ تعیناتی نا پرمان جاری کرے۔ دا وخت آ کمشنر صلاح الدین نورزئی پارے کہ ساڑی حکومت نا وژن و پیدوار پالیسی نا رِد اٹ حقدار و اہل اومیتدار آتے میرٹ نا بنداو آ تعیناتی نا آرڈر جاری کننگ نا عمل برجا ءِ۔