میر کلمتی انٹر ایجوکیشنل اسپورٹس فیسٹیول 2026 ء نا مسٹمیکو دے

گوادر، میر کلمتی انٹر ایجوکیشنل اسپورٹس فیسٹیول 2026ء نا گرلز گیمز انا ارٹمیکو و مسٹمیکو دے ہم جتا جتا گوازی تا گچین مقابلہ غاک برجا ئسر۔ کرکٹ و فٹسال نا مقابلہ غاتیٹی مسڑ طالب علم آک گچین گوازی نا درشانی ءِ کرسا بروک آ ریسہ غاتے کن کوالیفائی کریر، وخت اس کہ گوازی گرک جوش و جوزہ اٹ مقابلہ غاتیٹی بشخ ہلکر۔ گرلز کرکٹ نا مسٹمیکو دے گوادر گرائمر اسکول آرمی پبلک اسکول گوادر ءِ وخت اس کہ گورنمنٹ گرلز ہائی اسکول کلانچی پاڑہ گورنمنٹ گرلز ڈگری کالج گوادر ءِ کٹسا بروک آ راؤنڈ اٹی جاگہ جوڑ کریر۔ ہندا دے فٹسال اٹی یونیورسٹی آف گوادر گورنمنٹ گرلز ہائی اسکول ملابند و دارالعلوم پبلک اسکول گوادر گرائمر اسکول ءِ کٹسا فائنل کن کوالیفائی کریر۔ ارٹمیکو دے کرکٹ نا مقابلہ غاتیٹی گورنمنٹ گرلز ہائی اسکول جہلی ڈھور دارالعلوم پبلک اسکول وخت اس کہ گورنمنٹ گرلز ہائر سیکنڈری اسکول گوادر گورنمنٹ گرلز ہائی اسکول شمبے اسماعیل ءِ کٹسا بروک آ ریسہ کن کوالیفائی کرے۔