سپریم کورٹ نا کراچی ٹی غٹ سائن و بل بورڈ آتے اینک کننگ نا حکم

کراچی (مانیٹرنگ ڈیسک) سپریم کورٹ مچ آ کراچی شار انا بابت سائن بورڈ و بل بورڈ آتے اینک کننگ نا پرمان کرے۔ سپریم کورٹ کراچی رجسٹری ٹی چیف جسٹس پاکستان جسٹس گلزار احمد نا کماشی ٹی شار اٹ بل بورڈ تمنگ نا بابت ازخود نوٹس نا سماعت مس۔ میئر کراچی وسیم اختر، ایڈووکیٹ جنرل سندھ، کمشنر کراچی و ایلو بڑزکو کمامدار آک عدالت اٹ پیش مسر۔ چیف جسٹس شار اٹ بل بورڈ تمنگ آن شاری تا ٹھپی مننگ نا واقعہ غاتیا اُست ہسونی نا درشانی کرسا پارینے کہ مافیاک حکومت آتے چلیفنگ اٹی ءُ، حکومت آک دا مافیا آتون ہچ اس کننگ کپسہ، اگہ گڑاس کریٹ تو حکومت آتا دانا بند مریک۔ سپریم کورٹ مچ آ شار اٹ بل بورڈ و سائن بورڈ اینک کننگ نا پرمان کرسا کمشنر کراچی ءِ پورو وڑ اٹ اختیار تسنے، کارروائی کرسا کل بل و سائن بورڈ آتے اینک کننگے۔ چیف جسٹس گلزار احمد پارینے کہ کل سرکاری ہند آتیان ہم بل و سائن بورڈ و سائن بورڈ آتے اینک کننگے۔ سپریم کورٹ پرائیویٹ آ بلڈنگ آتیا خلوک آ خطرناک انگا سائن بورڈ آتے ہم زوت اس اینگ کننگ نا پرمان کرے کہ دا شار اٹ ہر اسٹ مارشل لاءخلکنے توسنے، ہرفوک ءُ کس اس اف، حکومت نا پن نا ہچ ءُ گڑاس اف۔