بولان اٹ زہمی گیس پائپ لائن تا جوڑ جاڑ مننگ کتو‘کوئٹہ وچندی علاقہ غاتا گیس بند
Get real time updates directly on you device, subscribe now.
کوئٹہ (آن لائن) بلوچستان نا ضلع بولان اٹ نوکاپ آن دیر آن زہمی مروک 2 گیس پائپ لائن نا جوڑ جاڑ نا کاریم 27 گھنٹہ گدرینگ آن پد ہم بنا مننگ کتو‘ ہرانا سوب آن مستونگ، پشین و زیارت ءِ سوئی گیس انا فراوانی داسکان بند ءِ‘ ترجمان سوئی سدرن گیس کمپنی کوئٹہ نا رد اٹ ضلع بولان نا علاقہ بی بی نانی ٹی زہمی مروک ہڑتوم آ گیس پائپ لائن تا جوڑجاڑ ناکاریم نا داسکان بنا مننگ کتنے وصوبہ نا ضلع کوئٹہ مستونگ، پشین و زیارت ءِ سوئی گیس نا فراوانی بند ءِ‘ ایلو کنڈآ کوئٹہ ٹی گیس انا پریشر بھاز کم ءِ ہرانا سوب آن اُرائی و کمرشل صارف آتے مشکل و فریشانیک مون تروک ءُ‘ ترجمان نا رد اٹ بولان اٹ نوکاپ نادیر و ڈغاری رابطہ کاٹ مننگ ناسوب آن جوڑجاڑ ناکاریم اٹ ہُرے مننگ اٹی ءِ‘ علاقہ ٹی حالیت آتا جوان مننگ آ پائپ لائن تا جوڑ جاڑ نا کاریم نا بناءِ کننگک۔