بلوچستان اٹ بے ایمنی نا پوسکن آ لہر گڑتی ناسوب ءِ‘اسفندیار ولی

کوئٹہ پشاور (آن لائن) عوامی نیشنل پارٹی نا بنجائی صدر اسفندیارولی خان چمن اٹ بمب دھماکہ نا مذمت ءِ کرسا پارینے کہ بلوچستان اٹ بے ایمنی نا پوسکن آ لہر گڑتی ناسوب ءِ۔ عملی گام گیج کننگتو تو حالیت آک پین خراب مریرہ۔ باچاخان مرکز پشاور آن جاری مروک بیان اٹ اے این پی نا سروک اسفندیارولی خان پارے کہ بے گناہ الس وچناتے ناحق شہید کننگ انسانیت آن چپ ءُ عمل اسے ہرانا اخس کہ مذمت ءِ کننگے کم ءِ۔ چمن اٹ منہ وخت آن حالیت آتے خراب کننگ نا سازش کننگ انگ ءِ‘ حکومت و انتظامیہ نا سنجیدہ مفننگ ناسوب آن نہادی جانک زیان مننگ اٹی ءُ۔ اسفندیارولی خان نیشنل ایکشن پلان نا بارو اٹ تینا موقف ءِ دوارہ پارے کہ اینو ہم پاوہ کہ نیشنل ایکشن پلان آ پورو عملدرآمد مفننگ ءِ۔ نیشنل ایکشن پلان نا غٹ ٹک آتیا عملدرآمد مسکہ تو کیہی نہادی جان تے زیان مننگ آن بچفنگ مسکہ۔ او شہیدآتا خاہوت آتون است ہسونی نا درشانی ءِ کرسا پارے کہ ڈکھ انا دا وخت اٹ عوامی نیشنل پارٹی شہید آتا تینائی تتون تفوک ءِ۔ او دعاکرے کہ اللہ تعالیٰ ٹھپی تے زوت دراخ جوڑ کے۔