یو این ایچ سی آر پاکستان رجسٹرڈ اوغان باہوٹ آتا 22 ہزار حقدار خاہوت آتے کمک تِس
Get real time updates directly on you device, subscribe now.
اسلام آباد (اے پی پی) یواین ایچ سی آر پاکستان مچ آ ملک اٹی کوویڈ۔ 19 نا لاک ڈاون آن زہمی مروک آ حقدار اوغان باہوٹ آتے احساس ایمرجنسی کیش پروگرام آنبار مالی کمک تننگ نا پروگرام ءِ پاکستان پوسٹ انا کمک اٹ برجاتخانے دا رد ٹ ہرچار آ صوبہ و اسلام آباد اٹی رجسٹرڈ اوغان باہوٹ آتا 22 ہزار آن زیات حقدار خاہوت آتے کمک تننگانے۔ جمعہ نادے آ یواین ایچ سی آر نا ترجمان قیصر خان اے پی پی ءِ پارینے کہ حکومت پاکستان وزارت سیفران داخلہ و خارجہ نا کمک اٹ پاکستان اٹ رہینگوک آ رجسٹرڈ اوغان باہوٹ ہراکوویڈ۔ 19 نا لاک ڈاون نا سوب آن بھاز بے وڑ زہمی مس اوفتے یواین ایچ سی آر پاکستان، پاکستان پوسٹ انا کمک اٹ 12 ہزار روپئی فی خاہوت ءِ تننگ انگ ءِ تانکہ او تینا ضرورت نا کنوئی آ گڑاتے ہلنگ کیر۔ اوپارے کہ داپروگرام ہمووڑ ءِ ہراوڑ حکومت پاکستان نا کنڈآن احساس ایمرجنسی پروگرام نا رداٹ حقدار مخلوق اٹ 12 ہزار روپئی ادا کننگ انگ ءِ۔ اوپارے کہ بلوچستان نا شار کوئٹہ، صوبہ خیبر پختونخوا، اسلام آباد اٹی ہم اوغان باہوٹ آتا حقدار رجسٹرڈ خاہوت آتیٹی پاکستان پوسٹ نا کمک اٹ 12 ہزار روپئی فی خاہوت نا حساب اٹ 26 ہزار اوغان باہوٹ آتا خاہوت آتیٹی اولیکو مرحلہ ٹی بشخنگ انگ ءِ۔ اوپارےے کہ اوغان باہوٹ آتا رجسٹرڈ 22 ہزار آن زیات خاہوت آتے ہر خاہوت کن 12 ہزار روپئی تننگانے۔