وزیراعظم عمران خان بنجائی کابینہ نا دیوان ءِ اینو بٹنگا
Get real time updates directly on you device, subscribe now.
اسلام آباد(آن لائن)وزیراعظم عمران خان بنجائی کابینہ نا دیوان ءِ اینو بٹنگانے۔ کابینہ دیوان اٹ ملکی سیاسی معاشی حالیت آتا جاچ ءِ ہلنگک، بنجائی کابینہ 13 ٹکی ایجنڈا آ سجفک۔دیوان اٹ چیئرمین سی ڈی اے مارگلہ روڈ آ تجاوز آتا برخلاف آپریشن نا بابت بریفنگ ایتک، کابینہ مارگلہ روڈ آ ساڑی سلاہ تے چٹفنگ نا پارت کریسُس، اسلام آباد نا ٹی کیہی جاگہ غاتیٹی کوزہ مافیا تا برخلاف گام گیج آتیا آئی جی ءِ بریفنگ ایتک، کابینہ پائلٹس آتا لائسنس تا معطلی ٹی ودکی نا فیصلہ کیک، پاکستان نا بھلو ایئرپورٹس آﺅٹ سورس کننگ نا بابت بریفنگ مریک۔ ایکسپورٹ ڈویلپمنٹ فنڈ نا بورڈ آف ایڈمنسٹریٹرز نا تشکیل نوایجنڈا ٹی اوار ءِ، داڑان بیدس فورتھ شیڈول اٹ اوار انگا بندغ آتے چھوٹ تننگ نا بابت فیصلہ مریک، ہر چار آ صوبہ غاتا فورتھ شیڈول اٹ اوار بندغ آتا بابت وزارت داخلہ بریفنگ ایتک۔ کابینہ چیئرمین این آئی آر سی نا کنٹریکٹ اٹ ارٹمیکو ودکی نا منظوری ایتک، پاک عرب ریفائنری لمیٹڈنا سی ای او نا تقرری ہم ایجنڈا ٹی اوار ءِ، کابینہ کمیٹی برائے انرجی نا 30جولائی نا فیصلہ غاتا توثیق ایجنڈا ٹی اوار ءِ، کابینہ ای سی سی نا 28جولائی نا فیصلہ غاتیٹی ودکی کیک۔