مچ آ دنیا ٹی کوروناوائرس آن اسہ دے اٹ 2 لکھ 23 ہزار کیس رپورٹ
Get real time updates directly on you device, subscribe now.
اسلام آباد (آن لا ئن) پوسکن آ وائرس کو وِڈ نائنٹین نا جہانی دَین 213 ملک آتیٹی 5 لکھ 57 ہزار 566 انسانی جون تے مرک انا گواچی کرے۔ وائرس آن داوخت اسکان 1 کروڑ 23 لکھ 97 ہزار بندغ زہمی مسنو۔ حوال نا رداٹ انسان تے کن بھاز خراب ثابت مروک آ کورونا دَین آن زہمی بندغ آتا کچ اٹ پدریسہ ودکی برجا ءِ۔ تدوک آ 24 گھنٹہ غاتے ٹی مچ آ دنیا ٹی 2 لکھ 23 ہزار آن زیات کیس رپورٹ مسر ہرا دا وخت اسکان کل آن زیات کچ ءِ۔ وائرس آن دا وخت اسکان 72 لکھ 27 ہزار ناجوڑ جانجوڑ مسنو۔ کورونا وائرس آن امریکہ کل آن زیات زہمی آ ملک ءِ۔ تدوک آ 24 گھنٹہ غاتے ٹی امریکہ ٹی 960 کہنگ نا واقعہ مسنو۔ ہراڑان امریکہ ٹی کورونا کہوک آتا کچ 135,828 مسنے۔ وخت اس کہ 32 لکھ 20 ہزار آن زیات بندغ وائرس نا گواچی مسنے۔ امریکہ ٹی تدوک آ 24 گھنٹہ ٹی پین 61 ہزار آن زیات کیس مون آ بسر۔