پاور ڈٹ آتیان 4 ارب ڈالر نا سرمایہ کاری نا کسر ملنگا‘عاصم سلیم باجوہ
Get real time updates directly on you device, subscribe now.
اسلام آباد ( آن لائن ) چیئرمین سی پیک اتھارٹی عاصم سلیم باجوہ پارینے کہ کوہالہ پاور و آزاد پتن پاور ڈٹ آتیان 4 ارب ڈالر نا سرمایہ کاری نا کسر ملنگا، دا ڈٹ آک 1800 میگاواٹ بجلی ودی کیرہ۔ راجی رابطہ غاتا وےب سائٹ ٹوئٹر آ تینا اسہ ٹوےٹ اسے ٹی پارینے کہ وزیراعظم آزاد کشمیر راجہ فاروق حیدر و چینی کمپنی تا کماش آک چیئرمین سی پیک اتھارٹی عاصم سلیم باجوہ تون جتا جتا اوڑدہی کرینو۔ کوہالہ پاور و آزاد پتن پاور ڈٹ آتیا کاریم زوت اس بنا کرسا گام گیج آتیا ہیت وگپ کننگا۔ چیئرمین سی پیک اتھارٹی عاصم سلیم باجوہ تینا ٹویٹ اٹ پارینے کہ کوہالہ پاور و آزاد پتن پاور ڈٹ آتیان 4 ارب ڈالر نا سرمایہ کاری نا کسر ملنگا، توانائی نا دا ڈٹ 1800 میگاواٹ بجلی ودی کیک۔ ڈٹ آتیان روزگار نا 8 ہزار وارخواہی ودی مریرہ۔