محکمہ کشت وکشار صوبہ ٹی زمیندار تا ہر وڑ اٹ کمک ءِ کننگ اٹی ءِ‘ قمبر دشتی
لورالائی (خ ن) صوبائی سےکرٹری کشت وکشار قمبر دشتی پارینے کہ محکمہ کشت وکشار صوبہ ٹی زمیندار تا ہر وڑ اٹ کمک ءِ کننگ اٹی ءِ‘ ملخ آتے چٹفنگ کن غٹ دوئی وسیلہ غاتے کاریم اٹ اتنگ انگ ءِ ہراڑے گرج ءِ ہموڑے فضائی اسپرے کننگ انگ ءِ‘ ٹرےکٹر و گاڈی تے ٹی ہم اسپرے کننگ انگ ءِ‘ افسر آتے گرج مننگ آ گاڈی کرا غا ہلنگ نا مولک تننگانے‘ اٹلی و سپےن آن 8 وڑ انا زےتون خوائفین ولے ساڑی حالیت آتا سوب آن سر مننگ کتوس‘ ہندن کہ حالیت آک جوان مسر زےتون تے اتسا زمیندار تے ٹی بشخنہ تا‘ داکان بیدس ہندی کہول آ نرسریک اریر زمیندار کم دیر کنوک ءُ درخت وفصل دسر۔ دا خیال آتا درشانی ءِ او کمشنر آفس لورالائی نا کانفرنس روم اٹ زمےندار و محکمہ کشت وکشار نا افسر اٹون اڈ ہلوک دیوان آن تران کرسا کرے۔ داوخت آ کمشنر ژوب ڈوےژن سہےل الرحمن بلوچ، ڈپٹی کمشنر لورالائی فےاض علی، ڈائرےکٹر پلانٹ پروٹےکشن عارف شاہ، ڈائرےکٹر رےسرچ عبدالمتےن، ڈائرےکٹر توسےعی شاہ حسےن، ڈپٹی ڈائرےکٹر واٹر منجمنٹ نورمحمد، ڈپٹی ڈائرےکٹر کٹوی فارم محمد نواز، ڈپٹی ڈارےکٹر واٹر منجمنٹ دکی ٹکا خان، اےڈمنسٹرےٹر مارکےٹ کمےٹی عبدالکرےم ناصر وایلو افسر وزمیندارک بھلو کچ اسے ٹی ساڑی ئسر۔ دیوان اٹ ژوب ڈوےژن اٹ زمیندار تا ویل‘ ملخ آتے توننگ و محکمہ کشت وکشار نا کارکڑد نابابت جم وڑ اٹ شرہ کننگا و زمیندارک تینا ویل‘ ملخ آتیان مروک نسخان تیان معلومدار کریر۔ سےکرٹری کشت وکشار قمبر دشتی پارے کہ ملکی کہول نےشنل اےکشن پلان نا رد اٹ ملخ آتا برخلاف گام گیج کننگ انگ ءِ۔