صوبہ ءِ لائخ و ہیلکار افسر آتا بھاز گرج ءِ ،میر ظہور احمد بلیدی

0

Get real time updates directly on you device, subscribe now.

کوئٹہ (خ ن) صوبائی وزیر خزانہ میر ظہور احمد بلیدی پارینے کہ صوبہ ءِ لائخ و ہیلکار افسر آتا بھاز گرج ءِ تاکہ او صوبہ نا شونداری وشونہالی کن تینا کڑد ءِ ادا کننگ کیر۔ دا خیال آتا درشانی ءِ او نےشنل انسٹی ٹیوٹ آف مینجمنٹ NIM انا کنڈآن پی سی ایس آفیسر و سی ایس پی آفیسر آتیکن اڈ تروک 29می مڈکیرئر مینجمنٹ کورسMCMC نا اخیر اٹ شریدار آتے سَند تننگ نا وخت آ کرے۔ صوبائی وزیر نیشنل انسٹی ٹیوٹ آف مینجمنٹ نا خذمت آتا ستاءِ کرے وپارے کہ نم اناکنڈآن افسر آتے ہیلکاری تننگ نا مسخت افسر آتا کاریم نا واکداری ءِ ودفنگ ءِ تاکہ او ڈیوٹی ناوخت آ تینا زمواری تے گچین وڑ اٹ پورو کننگ کیر و اینو ہیلکاری دوئی کروک افسر آتا سرسہبی آن کورس پورو کننگ است بڈی نا ہیت اسے و ننے یخین ءِ کہ دا افسر آک دیانتداری و زمواری اٹ تینا فرض آتے پورو کیرہ۔ صوبائی وزیر مستی پارے کہ صوبہ نا ویل آتون مون تننگ و الس ناویل آتے ایسر کننگ کن ننے اسیجائی اٹ مون آہنوئی مریک و الس نا اومیت آےت پورو کننگ کن ننے تینا موقف آ سلوئی مریک۔ او افسر آتیکن سرسہبی اٹ کورس اڈتننگ آ ڈائریکٹر جنرل و ڈپٹی ڈائریکٹر پروگرام نم وایلوفتا خذمت آتا ستاءِ کرے‘ اخیر اٹ صوبائی وزیر دود انا شریدار آتے سَند تس۔

Get real time updates directly on you device, subscribe now.

Leave A Reply

Your email address will not be published.