پی ٹی آئی السی و ریاستی ملکیت آتے نسخان تس، مریم اورنگزیب

نیب القادر ٹرسٹ کیس انا جاست وپاست ءِ کریکہ، عمران خان ءِ کرپشن کیس اٹ دزگیر کننگانے

0

Get real time updates directly on you device, subscribe now.

اسلام آباد: بنجائی وزیر حوالکاری و شینکاری مریم اورنگزیب پارینے کہ عمران خان ءِ کرپشن کیس اٹ دزگیر کننگا، پی ٹی آئی السی و ریاستی ملکیت آتے نسخان تس، دا السی ردعمل اس الوکہ، ڈٹ بندی نا رداٹ کننگا، ہرکس کہ کانود ءِ دوٹی ہلیک، اوپاکستانی ءِ، نئے پاکستان نا شاری، السی و ریاستی ملکیت آتے نسخان تروک آتا برخلاف سخت کارروائی کننگک۔ چارشنبے نادے آ تینا بیان اٹی بنجائی وزیر حوالکاری پارے کہ نیب القادر ٹرسٹ کیس انا جاست وپاست ءِ کریکہ، عمران خان ءِ دا کیس اٹ کم از کم 15 نوٹس مون تننگا، او دا کیس اٹ پیش متوکہ، اودے داکیس اٹ ورندی داخل کرفوئی ئسک، عمران خان نیب ءِ درکار ئسک۔ بنجائی وزیر حوالکاری پارے کہ عمران خان نا دزگیری آن پد پی ٹی آئی راہشون تینا کارندہ غاتے جلاؤ گھیراؤ نا رغامسا کرے، پی ٹی آئی نا کارندہ غاک انتس کہ کریر اوفتے مچ آ ملک خنا، انت دا السی ردعمل اس ئسک؟ دا ڈٹ بندی نا رداٹ کننگا۔ اوپارے کہ پی ٹی آئی نا مخلوق اینو پاہک کہ درو انتس مس اوفتے نن کتنون۔ دا درو انت اکن پاتویسر کہ دا ننا مخلوق اف۔ بنجائی وزیر حوالکاری پارے کہ پی ٹی آئی نا مخلوق درو السی و ریاستی ملکیت آتے نسخان تسکہ، اوفتا لیڈر آک اوفتے انت اکن توتوس، اسہ سیاسی جماعت اس ہم داوڑنا ردعمل تفک۔ اوپارے کہ ننامخلوق ہم دزگیر مسوسس، نواز شریف، مریم نواز، شہباز شریف، شاہد خاقان عباسی، رانا ثناء اللہ، سعد رفیق تون اوار ایلوراہشونک ہم دزگیر مسوسر، شہباز شریف ءِ ساف دیر کیس اٹ بٹنگ انگا و آشیانہ ٹی دزگیر کننگا، نن وخت اس ہم داوڑنا ردعمل تتنون ہراوڑ پی ٹی آئی عمران خان نا دزگیری آ تسنے۔ اوپارے کہ داکان مست ہراتم زمان پارک اٹی پولیس عمران خان ءِ دزگیر کننگ کن ہناسس تو پولیس والا تیا پیٹرول بمب آتے اٹ جلہو کننگا۔

(اے پی پی)

Get real time updates directly on you device, subscribe now.

Leave A Reply

Your email address will not be published.