توشہ خانہ کیس،عمران خان آ ڈوہ بیٹ
Get real time updates directly on you device, subscribe now.
اسلام آباد : توشہ خانہ کیس اٹ مسکوہی وزیراعظم عمران خان آ ڈوہ بیٹ کننگا وخت اس کہ عمران خان و اونا وکیل آک کارروائی آن بائیکاٹ کریر‘ حوال نا رد اٹ توشہ خانہ کیس انا سماعت ءِ ڈسٹرکٹ اینڈ سیشن کورٹ اسلام آباد نا جج ہمایوں دلاور خان پولیس لائن ہیڈکوارٹر ایچ الیون نا گیسٹ ہاؤس اٹ کرے‘ہراڑے عمران خان ءِ پیش کننگا۔ کمشنر آفس آن رکھی سوب آن پولیس لائن ءِ عدالت نا درجہ تننگا‘ سماعت ناوخت آ عمران خان نا وکیل آتا کنڈآن جج آ اعتراض کننگا وکیس ءِ پین عدالت اسے ٹی گدریفنگ نا خواست کننگا‘ ہرادے عدالت مسترد کرسا ڈوہ بیٹ کرے‘ عدالت اٹ عمران خان ءِ ڈوہ بیٹ کننگ ءِ خوانسا بنفنگا۔ عمران خان ڈوہ و دستاویز آتیا دستخط کننگ آن نمن مس۔ عمران خان نا وکیل آک عدالت آن پیشن بننگ ناوخت آ پاریر کہ او کارروائی آن بائیکاٹ کرینو‘ او مستی پاریر کہ عدالت ڈوہ بیٹ کننگ خواہس نن بائیکاٹ کرسا پیشن بسن۔
(آن لائن)