وائس چیرمین پی ٹی آئی شاہ محمود قریشی ہم دزگیر
Get real time updates directly on you device, subscribe now.
اسلام آباد : اسلام آباد پولیس پاکستان تحریک انصاف نا وائس چیئرمین شاہ محمود قریشی ءِ ہم دزگیرکرے‘ پولیس کمامدار آک دزگیری ءِ پک کرسا پاریر کہ شاہ محمود قریشی ءِ ریڈزون آن دزگیر کننگانے‘ پولیس حوالی نا رد اٹ شاہ محمود قریشی ءِ 3 ایم پی او نا رد اٹ 15دے اکن دزگیر کننگا۔داکان مست پاکستان تحریک انصاف نابنجائی راہشون و سیکرٹری جنرل اسد عمر ءِ ہم اسلام آباد ہائیکورٹ آن دزگیر کننگاسس۔ پولیس حوالی نا رد اٹ اسد عمر ءِ 16 ایم پی او نا رد اٹ دزگیر کننگانے‘ پولیس حوالی نا رد اٹ اسد عمر و شاہ محمود قریشی ءِ تھانہ سیکرٹریٹ آ گدریفنگانے۔ اسد عمر، شاہ محمود قریشی، علی اعوان وایلو راہشون تا برخلاف ننکان 2 مقدمہ تھانہ آبپارہ و ترنول اٹ درج کننگاسس۔
(آن لائن)