اقتصادی رابطہ کمیٹی روز ویلٹ ہوٹل معاہدہ کن گرانٹ نا منظوری ءِ تس
ہوٹل یونین و سٹی آف نیویارک اتون روز ویلٹ ہوٹل نا پد تموک کانودی مقدمہ غاتے پدی ہلنگ نا منظوری تننگا
Get real time updates directly on you device, subscribe now.
اسلام آباد(اے پی پی) اقتصادی رابطہ کمیٹی روز ویلٹ ہوٹل معاہدہ و آبی وسیلہ و بنجائی تعلیم کن سپلیمنٹری گرانٹ آتا منظوری ءِ تس۔ بنجائی وزیر خزانہ و ریونیو سینیٹر محمد اسحاق ڈار نا کماشی ٹی کابینہ نا اقتصادی رابطہ کمیٹی (ای سی سی) نا دیوان چارشنبے نادے آ اڈ ہلک۔ بنجائی وزیر بجلی خرم دستگیر خان، بنجائی وزیر صنعت وپیدوار سید مرتضیٰ محمود، بنجائی وزیر موسمیاتی بدلی سینیٹر شیری رحمان، بنجائی وزیر ہوابازی/ریلوائی خواجہ سعد رفیق، شاہد خاقان عباسی ایم این اے/ مسکوہی وزیراعظم، وزیر مملکت خزانہ و محصولات ڈاکٹر عائشہ غوث پاشا، ایس اے پی ایم خزانہ طارق باجوہ، ایس اے پی ایم ریونیو طارق محمود پاشا، بنجائی سیکرٹریز و ایلو سینئر آفیسر آک دیوان اٹی بشخ ہلکر۔ وزارت ہوابازی چیلنج و روز ویلٹ ہوٹل، نیویارک ءِ دُوارہ ملنگ نا بارواٹی اسہ سمری اس پیش کرے و میٹنگ ءِ نیویارک سٹی گورنمنٹ و ہوٹل یونین تون اونا کاریم اٹ اتنگ کن اسہ جوان ءُ معاہدہ اسکان سرکننگ آ کمیٹی نا کمک اٹ مروک آ مذاکرات نا نتیجہ غاتیان معلومدار کرے۔ روز ویلٹ ہوٹل (1,025کمرہ) نیویارک سٹی گورنمنٹ نا کنڈآن امیگرنٹ ہاؤسنگ بزنس کن مسہ سال انا مد اٹی تننگ انگ ءِ۔ ای سی سی سرجم شرہ غان پد ہوٹل یونین و نیویارک سٹی گورنمنٹ اتون سیٹلمنٹ معاہدہ غا عملدرآمد نا منظوری ءِ تس۔ ای سی سی یونین اتون سیٹلمنٹ ایگریمنٹ نا شڑت آتا رداٹ ہوٹل یونین و سٹی آف نیویارک اتون روز ویلٹ ہوٹل نا زیر التواء کانودی مقدمہ غاتے پدی ہلنگ نا منظوری ءِ تس۔ ای سی سی مستی پارت کرے کہ او وام تا رول اوور ناچرجوئی ٹی نیشنل بینک اتون تینا کاروباری ڈٹ ءِ گنڈے، و اونا اشتراک ءِ کے۔ ای سی سی تکنیکی سپلیمنٹری گرانٹ آتا ہم منظوری ءِ تس۔