سپریم کورٹ پریکٹس و پروسیجر بل 2023 دوارہ صدر علوی آ رادہ
اسلام آباد : قومی اسمبلی سیکرٹریٹ پارلیمنٹ نا اسیجائی دیوان آن منظوری آن پد سپریم کورٹ پریکٹس و پروسیجر بل 2023 ءِ دوارہ صدر عارف علوی آراہی کرینے‘ صدر داسہ ہم بل آ دستخط کتو تو بل بیست اپریل آ تینٹ کانود اس جوڑ مریک۔ قومی اسمبلی سیکرٹریٹ نا حوالی نا رد اٹ سپریم کورٹ پریکٹس اینڈ پروسیجر بل 2023 قومی اسمبلی پارلیمنٹ نا اسیجائی دیوان آن منظور کروک بل ءِ صدر عارف علوی آدوارہ راہی کرینے‘ دا بل آ صدر دَہ دے اٹ دستخط کتو تو بل تینٹ کانود جوڑ مریک و دمدستی لاگو مریک۔ پارلیمنٹ نا اسیجائی دیوان اٹ بل گیشتری سلاہ اٹ ترمیم تون اوار منظور مسوسس‘ پوسکن آ کانود نارد اٹ چیف جسٹس نا ازخود نوٹس نا واکداری چٹک۔ مسہ سینئر انگا جج ازخود نوٹس نابابت فیصلہ کیرہ‘ ازخود نوٹس آ فیصلہ نا برخلاف سی دے اٹ اپیل مننگ کیک وخت اس کہ آئینی امور تا تشریح ءِ پنچ باسکی بینچ کیک۔ از خود نوٹس نابابت قاعدہ وضابطہ ہم جوڑ کننگک۔ سپریم کورٹ نا چیف جسٹس داسہ بینچ ہم سینئر انگا جج آتا سلاہ اٹ جوڑ کیک۔
(آان لائن)