غٹ ڈسٹرکٹ آتے کن رکھی گام گیج نا آگہی مہم چلیفنگے، کمشنر ژوب ڈویژن

کوئٹہ:  کمشنر ژوب ڈویژن سہیل الرحمان بلوچ نا کماشی ٹی کوروناوائرس آن بچنگ کن اسہ اہم ءُ دیوان اس اڈ ہلک ہراٹی ڈپٹی کمشنر لورالائی اسد اللہ خان کاکڑ، ایس ایس پی جواد طارق، ڈویژن نا غٹ ڈپٹی کمشنر آک، ڈسٹرکٹ آفیسر لورالائی ڈاکٹر شبیر احمد مینگل، ایم ایس عبدالواحد بلوچ، چیف آفیسر میونسپل کمیٹی علی احمد زہری، آئی ٹی آفیسر حکیم خان، محکمہ انفارمیشن محمود بلوچ و ایلو ضلعی و ڈویژنل آفیسر آک ساڑی ئسر۔ دیوان اٹی ڈویژن نا غٹ ضلع غاتے ٹی کوروناوائرس آن بچنگ و رکھی گام گیج نا بابت چندی وڑ تاسرجم جاچ ءِ ہلنگا، ڈپٹی کمشنر و ڈی ایچ اوک تینا علاقہ غاتا بابت بست و بند و مخلوق ءِ رکھی گام گیج کننگ نا بابت سرجم وڑاٹ معلومدارکریر۔ کمشنر ژوب ڈویژن سہیل الرحمان بلوچ پارے کہ کورونا اسہ دین اسے نا دروشم اس دوئی کرینے دانا توننگ و مخلوق اٹ شعور تالان کننگ کن عمل و سنجیدگی اٹ گام گیج کروئی تمک او ڈویژن نا غٹ ڈپٹی کمشنر آتے سختی اٹ پارت کرسا پارے کہ او غٹ کاریم تا چاروکی ءِ تینٹ کیر دارداٹ ڈیوالئی مخلوق ءِ خوار کننگ نا سوب مریک، ہرادے اسُل سگپنہ۔ اوپارے کہ غٹ ڈسٹرکٹ آتے کن رکھی گام گیج نا آگہی مہم چلیفنگے، مخلوق ءِ مچی تیٹی ہِننگ، برام و ایلو پروگرام، ریسٹورنٹ و ایلو ہند آتیا ہِننگ آن توننگے، ہراضلع غاتے ٹی داوخت اسکان اسپرے نابناءِ کننگتنے ہموڑے اسپرے نازوت بناءِ کننگے ہراضلع غاتے ٹی آئیسولیشن وارڈ جوڑ کننگانے بست وبند و ایلو آسراتی تا ڈپٹی کمشنرآک جاچ ءِ ہلسا کیر، دا بابت ویل اس مرے تو سدھا کن تون رابطہ کننگ کیرہ۔ اومیونسپل کمیٹی نا آفیسر آتے ہم سختی اٹ پارت کرے کہ او تینا تینا علاقہ غاتے ٹی سفائی نا حالیت آتے گچین کننگ کن پبی گام گیج کیر۔

(اے پی پی)