حکومت کوروناوائرس نا توننگ کن جنگی بنداو آ کاریم کننگ ءِ، محمد خان طور اتمانخیل

کوئٹہ : صوبائی وزیر صنعت و واپار حاجی محمد خان طور اتمانخیل پارینے کہ صوبائی حکومت وزیراعلیٰ بلوچستان جام کمال خان نا کماشی ٹی کوروناوائرس نا توننگ کن جنگی بنداو تیا گام گیج کننگ ءِ، سختی نا دا دے تیٹی اعتراض کننگ نا جاگہ غا راج انا غٹ بندغ آک حکومتی گام گیج آتتون تفر، بلوچستان نا الس ءِ محکمہ جانجوڑی نا کنڈآن دا ناجوڑی نا مون ءِ توننگ کن ہرا رکھی گام گیج آتا بارواٹی معلومدار کننگانے اگہ ننا مخلوق دا رکھی گام گج آتے کے تو ناجوڑی ءِ تالان مننگ آن توننگ مریک۔ او سوشل میڈیا غا حکومتی گام گیج آتا برخلاف منفی پروپیگنڈہ کننگ نا ترند انگا لوز آتے ٹی مذمت ءِ کرے۔ اوپارے کہ حکومت نیزگار الس نا روزگار ءِ مون آ تخسا گام گیج کننگ ءِ و لاک ڈاو ¿ن نا حالیت اٹ اوفتے سرکاری فنڈ آن امداد فراوان کننگے تانکہ ہچ ءُ انسانی المیہ اس ودی مف۔ اوپارے کہ اینو ہر علاقہ ہر شار لاک ڈاو ¿ن مسنے ہرانا سوب آن نیزگار تپہ مالی تنکی نا گواچی ءِ خاص وڑ روزانہ کروک آک اِراوخت انا اِرغ کن کٹیا کروک آ بندغ بے وس خننگرہ۔ دُن انگا حالیت آتے ٹی اُراٹی آرام اٹ تولنگ کپک۔ ہندا سوب آن الس نا خذمت کن اُراغان پیش تمانٹ تانکہ مخلوق نا وخت آ کمک ءِ کننگ کیو کنا مسخت سیاست آخا بلکن دا سختی نا دے تیٹی ٹی الس نا خذمت ءِ کرسا است ءِ آسراتی و خوشی ملک، اوکان پد صوبائی وزیر قاری آباد اٹی زیر تعمیر واٹر ٹینک و ناصر آباد اٹی پوسکن آ پیپ لین تا جاچ ءِ ہم ہلک، صوبائی وزیر تون اوار ایکسین پی ایچ ای سید جہانگیر شاہ، قبائلی راہشون سردار یحییٰ جوگیزئی و ایلوضلعی آفیسر آک ساڑی ئسر۔

(اے پی پی)