آل پارٹیز نا سلاہ تیا پورو عمل و اوفتا اسیجائی اٹ کاریم کننگک‘یاسر اقبال بلوچ

مستونگ (آن لائن) کورونا نا بابت کروک گام گیج و لاک ڈاﺅن آن زہمی مروک تپہ نابحالی کن حکومت ناکنڈآن فروان کروک کمکی نا بشخنگ ءِ ساف وشفاف جوڑ کننگ کن اسسٹنٹ کمشنر مستونگ یاسر اقبال بلوچ ناکماشی ٹی آل پارٹیز نا دیوان اڈ ہلک۔ آل پارٹیز دیوان اٹ بلوچستان نیشنل پارٹی نا ضلعی صدرمیرعبداللہ جان مینگل‘ میرمحمدحنیف رستم زئی‘ جمعیت علماءاسلام نا ضلعی امیر مولاناسعیدالرحمن فاروقی‘ نیشنل پارٹی نا ضلعی نائب صدر حاجی نذیراحمد سرپرہ‘ تحصیل صدر نثار مشوانی‘ سینئر راہشون میر سکندر خان ملازئی‘ بلوچستان عوامی پارٹی نا آرگنائزر میرندیم رئیسانی‘ رفیق لہڑی‘ ایم پی اے نا نمائندہ میرمولاداد محمدشہی‘ بی ایس او پجار نا زونل صدر ناصر بلوچ‘ بابل ملک بلوچ‘ جمعیت نظریاتی نامحمدافضل لہڑی‘ پی ٹی آئی نا چیئرمین نذیر بلوچ وخت اس کہ بازار یونین نا صدر حاجی غلام سرور شاہوانی میراورنگزیب قمبرانی‘ ٹرانسپورٹ یونین نا حاجی عبدالقادر بنگلزئی‘ ماماعبداللہ لہڑی وایلوفک ساڑی ئسر۔ اسسٹنٹ کمشنریاسر اقبال بلوچ غٹ جماعت آتا راہشون تیان سلاہ ہلک و پارے کہ اوفتا سلاہ تیا پورو عمل کننگک و اوفتا اسیجائی اٹ کاریم کننگک۔ او پارے کہ زہمی تا بحالی کن آل پارٹیز زوت مہشون ترتیب ایتے تاکہ انتظامیہ اودے ہُرسا کمکی گڑاتا بشخنگ نا چرجوئی نابناءِ کے۔