تفتان‘لاک ڈاﺅن آن غریب و خواری کش تپّہ زہمی‘ اے سی راشن بشخا
Get real time updates directly on you device, subscribe now.
تفتان (آن لائن) تفتان اٹ کورونا دَین ناسوب آن مچ آ شار اٹ لاک ڈاﺅن آن غریب و خواری کش تپّہ بھاز زہمی ءِ۔ داکان بیدس پاک ایران سیم انا بند مننگ آن ہندی آبادی ءِ مشکل آک مون تروئی تمنگ ءُ۔ ڈپٹی کمشنر چاغی نا خصوصی پارت آ اسسٹنٹ کمشنر تفتان محمد وارث ناکماشی ٹی رسالدار محمد جاوید عیسی زئی، سفر خان سمالانی، مقصود شاہین و لیویز نا ایلو کارندہ غاک تفتان نا جتا جتا کلی تے ٹی بھاز غریب و نیامئی تپہ نابندغ آتے ٹی راشن بشخار‘ راشن اٹ کنوئی ءُ گڑا‘ بورہ‘ نُت‘ سی اوار ئس‘ الس نا شرف نا خیال ءِ تخسا اسسٹنٹ کمشنر تفتان نن انا تارمئی ٹی راشن بشخا‘ راشن بشخنگ نا وخت آ سوشل مُری تخنگاسس وداکان بیدس لیویز فورس انا کارندہ غاک بندغ آتے ٹی ماسک ہم بشخار و بندغ آتون راشن سر کننگ اٹ کمک ہم کریر۔