وزیراعظم عمران خان نا بلوچستان نادورہ الس ءِ نااومیت کرے‘میرزابد علی ریکی
Get real time updates directly on you device, subscribe now.
ماشکیل (آن لائن) بلوچستان اسمبلی اٹ جمعیت علماءاسلام نا نا باسک حاجی میر زابد علی ریکی پارینے کہ وزیراعظم عمران خان نا بلوچستان نادورہ الس ءِ نااومیت کرے‘ کورونا غان بلوچستان نا غٹ ضلع غاتے ٹی لاک ڈاﺅن ءِ ہرانا سوب آن ہزار آ غریب وخواری کش تپّہ نااُراتا دیگدانک پدین مسنو‘ ہرافتے وزیراعظم آن کمکی پیکیج نا اومیت ئس‘ ولے وزیراعظم ہچ کپرسا الس ءِ نااومیت کرے۔ بایدے وزیراعظم کوئٹہ ناورہ نا وخت آ ہر خاہوت کن 25 آن 30ہزار روپئی کمک نا پڑو کروسس ولے وزیراعظم کوئٹہ ٹی بیرہ منہ گھنٹہ مرسا مشکل حالیت اٹ بلوچستان نا الس آ ملنڈ کرے۔ اوپارے کہ بلوچستان اٹ کورونا دَین انا توننگ کن ڈاکٹر آتتون ہچ ءُ ازباب اس اف‘ سیمی علاقہ غاتے ٹی کورونا غان بچفنگ نا بابت صوبائی و بنجائی حکومت نا غٹ دعواک دروغ ءُ‘ ماشکیل ایران آن بیست کلومیٹر نا مُری آٹے داڑے نئے ڈاکٹر ارے نئے پین آسراتی اس‘ بلوچستان حکومت سیمی علاقہ ماشکیل اٹ قرنطینہ سینٹر جوڑ کننگ اٹ ہم بے سہب مسنے۔