قبائلی فیصلہ غاتیان بیدس ملک وقوم شون ہلنگ کپک‘سردار مفتی محمدوزیر القادری
Get real time updates directly on you device, subscribe now.
کوئٹہ (آن لائن) جماعت اہلسنت پاکستان نا بنجائی نائب صدرچیف آف ہانبھی سردارمفتی محمدوزیرالقادری پارینے کہ قبائلی فیصلہ غاتیان بیدس ملک وقوم شون ہلنگ کپک‘ کرن آتیان برجا جنگ آک ہم مذاکرات و فیصلہ ٹی ایسر مریرہ‘الس انصاف دوئی کننگ کن قبائلی فیصلہ غاتیا باور کیک‘ ملک و قوم انا شونداری کن قبائلی جھیڑہ غاتے چٹفنگ ناوخت بسنے‘ صوبہ نا غٹ قبیلہ و اوفتا اکائیک قبائلی جھیڑہ غاتا خیر و ملک وقوم انا استحکام کن تینا کڑد ءِ ادا کیر او پارے کہ تین پہ تین نا کرن آتیان برجا جنگ و مُریک ملک وقوم ءِ خورہ غانبار کُننگ اٹی ءُ‘ خاہوت آتے بھس مننگ آن بچفنگ کن قبائلی جھیڑہ غاتا خیر وخت انا گرج ءِ‘ ننے تینا ناراضگی تے چٹفنگ کن کڑد ادا کروئی مریک‘ قبائلی فیصلہ غاتے ٹی انصاف کروک آ حقی آ السی لیڈر مریک۔