بنجائی حکومت نا ناروا سلوک و بیدادی تا سوب آن نااومیتی ودنگ اٹی ءِ‘ مولانا عبدالحکیم انقلابی

تمبو (آن لائن) جمعیت علماءپاکستان بلوچستان نا جنرل سیکرٹری مولانا عبدالحکیم انقلابی، ضلعی صدر غلام مصطفی کورار اسک پارینو کہ وزیراعظم عمران خان ءِ بایدے سما مرے کہ کورونا دَین پین ملک آن اتنگا ولے بلوچستان ناالس کن نئے دارو و نئے کمک ارے‘ بلوچستان نا الس حکومتی پیکیج و ریلیف نا مستائی تے بنفسا دم درینگانے‘ بلوچستان کل آن زیات زہمی مننگ آن پد ہم حکومت ناکنڈآن نئے طبی ازباب ونئے راشن بشخنگا‘ غریب تپہ حکومتی کمک کن ہُروک ءِ ولے حکومت ناکنڈآن داسکان ہچ ءُ کمکی پیکیج اس جاری کننگ تنے‘ دیہاڑی دار و مزورکار غریب آتیکن زوت کمکی پیکیج جاری کننگے‘ اوپاریر کہ بلوچستان تون بنجائی حکومت نا ناروا سلوک و بیدادی تا سوب آن نااومیتی ودنگ اٹی ءِ‘ دا مشکل وخت اٹ بروک آ کمک اٹ ہم بلوچستان تون ماتنہ غانبار سلوک کننگ انگ ءِ۔ او وزیراعظم وبنجائی حکومت آن بلوچستان کن خصوصی ریلیف آن بیدس دینی مدرسہ‘ مسیت و واپاری ہندجاٹ آتا بجلی‘ گیس انا بل آتے بشخنگ ناخواست کریر۔